سوپور میں جماعت اسلامی سے وابستہ ایک فرد کے گھر کی تلاشی، قابل اعتراض مواد بر آمد:پولیس

عظمیٰ ویب ڈیسک
سری نگر/پولیس نے شمالی کشمیر کے قصبہ سوپور میں یو اے پی اے کے تحت درج ایک کیس کی تحقیقات کے سلسلے میں کالعدم تنظیم جماعت اسلامی سے وابستہ ایک شخص کے گھر کی تلاشی لی اور اس دوران قابل اعتراض مواد بر آمد کیا گیا۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ سوپور پولیس نے یو اے پی اے کے سیکشن 10 کے تحت درج ایف آئی آر زیر نمبر 42/2025 کی تحقیقات کے سلسلے میں کالعدم تنظیم جماعت اسلامی سے وابستہ ایک شخص کے گھر کی تلاشی لی۔
انہوں نے کہا کہ یہ تلاشی کارروائی عدالت سے باقاعدہ اجازت حاصل کرنے کے بعد انجام دی گئی۔ان کا کہنا ہے کہ تلاشی کے دوران کالعدم تنظیم سے منسلک قابل اعتراض مواد ضبط کیا گیا۔بیان میں کہا گیا کہ یہ تلاشی کارروائیاں ایگزیکیٹو مجسٹریٹ اور آزاد گواہوں کی موجودگی میں انجام دی گئیں اور اس دوران تمام قانونی لوازمات کو یقینی بنایا گیا۔انہوں نے کہا کہ سوپور پولیس دہشت گردی کے ماحولیاتی نظام کو تباہ کرنے کے لئے پر عزم ہے۔