عظمیٰ نیوز سروس
جموں//نائب وزیر اعلیٰ سریندرکمار چودھری نے کل کہا کہ صوبہ کشمیر کے مختلف اضلاع میں اِنڈسٹریل اسٹیٹس کے قیام کے لئے 5,000 کنال اراضی کی نشاندہی کی گئی ہے جبکہ صوبہ جموں میں 9,661 کنال اراضی محکمہ ریونیو کو پیش کی گئی ہے۔نائب وزیر اعلیٰ ایوان میں رُکن قانون ساز راجیو جسروٹیہ کی طرف سے اُٹھائے گئے ایک سوال کا جواب دیتے ہوئے کہا کہ صوبہ جموں میں مختلف اضلاع میں اِندسٹریل سٹیٹس کے قیام کے لئے 14956.15 کنال اراضی کی درخواست دی گئی ہے جبکہ گزشتہ دو برسوںمیں کشمیر میں 5532.19 کنال زمین منتقل کی گئی ہے۔نائب وزیر اعلیٰ نے کہا کہ جموں و کشمیر انڈسٹریل پالیسی 2021-30 ء کے تحت توجہ دی جانے والی صنعتوں میں مینوفیکچرنگ، آئی ٹی اور آئی ٹی ای ایس، زراعت اور فوڈ پروسسنگ، صحت اور فارماسیوٹیکلز، بنیادی ڈھانچہ اور رئیل اسٹیٹ، سکل ڈیولپمنٹ ، سیاحت اور مہمان نوازی، فلم ٹوراِزم، باغبانی اور پوسٹ ہارویسٹ مینجمنٹ، قابل تجدید توانائی، ہینڈلوم اینڈ ہینڈی کرافٹس اور زراعت شامل ہیں۔جموں و کشمیر کی طرف سے صنعتی شعبے کو فروغ دینے اور اسے سرمایہ کاروں کے لیے دوستانہ منزل بنانے کے لیے کیے گئے مختلف پالیسی اقدامات میں نئی مرکزی سیکٹر سکیم 2021، جے اینڈ کے انڈسٹریل پالیسی 2021-30، جے اینڈ کے انڈسٹریل لینڈ الاٹمنٹ پالیسی،جے اینڈ کے پرائیویٹ انڈسٹریل اسٹیٹ ڈیولپمنٹ، پالیسی میں فارن موشن انویسٹمنٹ جے اینڈ کے سنگل وِنڈو رولز 2021، ٹرن اوور انسینٹیو سکیم 2021، جے اینڈ کے اون پروسسنگ، ہینڈلوم اینڈ ہینڈی کرافٹس پالیسی 2020، کوآپریٹیو/سیلف ہیلپ گروپس کیلئے مالی اعانت کی سکیم، 2020 کے لئے کارڈیٹس اور ہم کارپوریشن سکیم، جموں و کشمیر میں دستکاری کے شعبے کی ترقی کے لئے سکیم 2021، ایکسپورٹ سبسڈی سکیم 2021، ہینڈی کرافٹس اینڈ ہینڈلوم ڈیپارٹمنٹ کے دستکاروں،بنانے والوں کے لئے نظر ثانی شدہ تعلیمی سکیم 2022 اور جے اینڈ کے سٹارٹ اپ پالیسی 2024-27ء شامل ہیں۔نائب وزیر اعلیٰ نے کہا کہ زمین کی الاٹمنٹ کے لئے درخواستوں کی جانچ میں خواتین کو ترجیح دی گئی ہے تاکہ خواتین اپنی شرکت کی وجہ سے اعلیٰ میرٹ حاصل کریں۔اُنہوں نے مزید کہا کہ وزیر اعظم ایمپلائمنٹ جنریشن پروگرام (پی ایم اِی جی پی) کے تحت ضلع اودھمپور کے سین، ٹھکران میں 1347 کنال زمین میں سے 329 کنال زمین پر خواتین کے لئے مخصوص صنعتی اسٹیٹ قائم کرنے کی منظوری دی گئی ہے۔
