وزیر اعظم مودی کی سربراہی میں جموں وکشمیر امن کا گہوارہ بن گیا :کرن رجیجو

عظمیٰ ویب ڈیسک
سری نگر/پارلیمانی اور اقلیتی امور کے مرکزی وزیر کرن رجیجو کا کہنا ہے کہ میری وزارت اور جموں وکشمیر انتظامیہ کے درمیان تال میل میں کچھ مسائل تھے جس کی وجہ سے مناسب فنڈز فراہم نہیں کیے گئے۔
انہوں نے کہاکہ موجودہ مرکزی سرکار جموں وکشمیر پر خصوصی توجہ دے رہی ہے۔
مرکزی وزیر کا کہنا ہتھا کہ وزیر اعظم مودی کی سربراہی میں جموں وکشمیر میں امن و امان واپس لوٹ آیا ہے۔
ان باتوں کا اظہار وزیر نے شہرہ آفاق گلمرگ میں نامہ نگاروں سے بات چیت کے دوران کیا۔
انہوں نے کہاکہ جموں وکشمیر کے سیاحتی مقامات پر اس وقت سیاحوں کا غیر معمولی رش نظر آرہا ہے اور ہم چاہتے ہیں کہ کشمیر کے نوجوانوں کو زیادہ سے زیادہ روزگار کے مواقعے میسر ہو۔
مرکزی وزیر رجیجو نے کہاکہ وزیر اعظم نریندر مودی کی سربراہی میں جموں وکشمیر میں امن و امان واپس لوٹ آیا ہے اور یہ برقرار رہنا چاہئے۔
انہوں نے کہاکہ اقلیتی امور کی وزارت آنے والے دنوں کے دوران تعلیم ، کھیلوں، مقامی ہینڈلوم اور دستکاری کے شعبوں کو فروغ دینے کی خاطر زمینی سطح پر اقدامات اٹھائے گی۔
مرکزی وزیر نے کہا :’ جموں وکشمیر کے مختلف مقامات پر پانی کے پروجیکٹوں کی تعمیر میں بھی اقلیتی امور کی وزارت مدد فراہم کرئے گی، اس کے علاوہ مختلف ہنروں کی بھی تربیت فراہم کی جائے گی۔ ‘
ان کے مطابق جموں وکشمیر میں پی ایم جن وکاس کریاکرم کے تحت اسکیموں کو تیز تر کرنے کی خاطر محکمہ سماجی بہبودکے آفیسران کے ساتھ جائزہ میٹنگ کی۔
کرن رجیجو نے کہاکہ پردھان منتری جن وکاس کریا کرم کے ذریعے بڑے انفرا سٹرکچر کی خاطر فنڈز جاری کرنے کا انتظام ہے جبکہ پردھان منتری وکاس تربیت اور ہنر مندی پر توجہ مرکوز کرتا ہے۔
پارلیمانی امور کے مرکزی وزیر نے کہاکہ آفیسران نے جائزہ میٹنگ کے دوران 18اضلاع کی نشاندہی کی اور مرکزی وزارت کی جانب سے منظوری کے لئے انہیں ترجیحی فہرست میں رکھا جائے گا۔
مرکزی وزیر نے کہا:’ جموں وکشمیر کو ریکارڈ توڑ اسکیموں سے استفادہ حاصل کرنے کی خاطر سرکار کوشاں ہے۔