ملبورن/ٹیم انڈیا کے سپنر کلدیپ یادیو نے پاکستان میں چیمپئنز ٹرافی کھیلنے کی خواہش ظاہر کردی۔اسپنر کلدیپ یادیو کا کہنا ہے کہ وہ پہلے کبھی پاکستان نہیں گئے، اگر موقع ملا تو وہ کافی پُرجوش ہوں گے۔انہوں نے کہا کہ کرکٹر کا کام کرکٹ کھیلنا ہے۔ جہاں بھیجا جائے گا، جا کر کھیلیں گے، پاکستانی اچھے ہیں جب بھی موقع ملے گا وہاں جاکر کھیلیں گے۔یاد رہے کہ اسپنر کلدیپ یادیو اپنی فیملی کے ہمراہ چھٹیاں منانے کےلئے میلبرن گئے ہوئے ہیں، جہاں انہوں نے ملبورن کرکٹ گراؤنڈ کا بھی دورہ کیا تھا۔ملبورن میں دنیائے کرکٹ کے عظیم اسپنر شین وارن کے مجسمے کے ساتھ تصویر بھی بنوائی۔
