عظمیٰ نیوزسروس
جموں//لیفٹیننٹ گورنر منوج سِنہا نے ریاسی ملی ٹینسی حملے میں مارے گئے وِجے کمار کی اہلیہ رینو شرما کوہمدردی کی بنیاد پر تقرر نامہ سونپا۔رِیاسی کا رہائشی وِجے کمار یاتریوں کو لے جانے والی بس چلا رہا تھا جس پر 9جون کوملی ٹینٹوں نے حملہ کیا تھا۔لیفٹیننٹ گورنر نےمہلوک شہری کے اہل خانہ کو جموں و کشمیر اِنتظامیہ کی طرف سے ہر ممکن مددکا یقین دِلایا۔اِس موقعہ پرضلع ترقیاتی کمشنر ریاسی وشیش پال مہاجن اور وِجے کمار کے اہل خانہ بھی راج بھون میں موجود تھے۔
