عظمیٰ نیوز سروس
جموں// مرکزی وزارت داخلہ نے حکومتی کام کاج چلانے نیز انتظامی افسران کے تبادلوں سے متعلق2019کے رولز میں ترامیم کی ہیں۔انتظامی سکریٹریوں ، اے آئی ایس افسران کے تبادلے ،اور ایڈوکیٹ جنرل کی تقرری سے متعلق تجاویز چیف سیکریٹری کے ذریعے ایل جی کو پیش کیا جائے گا، لا افسران کو ایل جی سے منظوری دی جائے گی۔وزارت داخلہ کی طرف سے کی گئی ترامیم کے مطابق، آل انڈیا سروس (AIS) افسران کے انتظامی سیکرٹریوں اور کیڈر کے عہدوں کے تبادلے سے متعلق ایڈمنسٹریٹو سیکرٹری، جنرل ایڈمنسٹریشن ڈیپارٹمنٹ کی تجاویز کو، لیفٹیننٹ گورنر کوچیف سیکرٹری کے ذریعے پیش کیا جائے گا۔نوٹیفکیشن کے مطابق” انتظامی سکریٹریوں اور آل انڈیا سروسز کے افسران کے کیڈر کے عہدوں کی پوسٹنگ اور تبادلے سے متعلق معاملات کے سلسلے میں، ایڈمنسٹریٹو سکریٹری، جنرل ایڈمنسٹریشن ڈیپارٹمنٹ چیف سکریٹری کے ذریعے لیفٹیننٹ گورنر کو تجویز پیش کرے گا،” ۔
ایم ایچ اے نے مزید کہا کہ جن تجاویز پر لیفٹیننٹ گورنر کو صوابدیدی اختیارات حاصل ہیں ان معاملات پر محکمہ خزانہ کی پیشگی رضامندی کی ضرورت ہوتی ہے اس وقت تک اتفاق یا مسترد نہیں کیا جائے گا جب تک کہ اسے چیف سیکرٹری کے ذریعے لیفٹیننٹ گورنر کے سامنے نہیں رکھا گیا ہو۔ ” ترامیم میں کہا گیا ہے کہ کوئی بھی تجویز جس میں ‘پولیس’ ‘پبلک آرڈر’، ‘آل انڈیا سروس’ اور ‘اینٹی کرپشن بیورو’ کے حوالے سے محکمہ خزانہ کی سابقہ منظوری کی ضرورت ہو، ایکٹ کے تحت لیفٹیننٹ گورنر کی صوابدید کو استعمال کرنے کے لیے منظور یا مسترد نہیں کیا جائے گا۔ جب تک کہ اسے چیف سکریٹری کے ذریعے لیفٹیننٹ گورنر کے سامنے نہیں رکھا گیا ہے،”۔ ایم ایچ اے ترامیم کے مطابق کہا کہ محکمہ قانون، انصاف اور پارلیمانی امور عدالتی کارروائی میںلیفٹیننٹ گورنر کی منظوری کے لیے چیف سیکرٹری اور وزیر اعلیٰ کے توسط سے ایڈووکیٹ جنرل کی مدد کے لیے ایڈووکیٹ جنرل اور دیگر لا افسران کی تقرری کی تجویز پیش کرے گا۔ایم ایچ اے نوٹیفکیشن میںکہا گیا ہے، “پراسیکیوشن کی منظوری یا اپیل دائر کرنے سے متعلق کسی بھی تجویز کو لیفٹیننٹ گورنر کے سامنے چیف سکریٹری کے ذریعے قانون، انصاف اور پارلیمانی امور کے محکمے کے ذریعے رکھا جائے گا۔”اس میں مزید کہا گیا ہے کہ جیل خانہ جات، ڈائریکٹوریٹ آف پراسیکیوشن اور فرانزک سائنس لیبارٹری کے بارے میں تجاویز لیفٹیننٹ گورنر کو ایڈمنسٹریٹو سیکرٹری، ہوم ڈیپارٹمنٹ چیف سیکرٹری کے ذریعے پیش کی جائیں گی۔
