عظمیٰ نیوز سروس
جموں//کمشنر جے ایم سی راہول یادو کی ہدایت پر جموں میونسپل کارپوریشن اور ڈاکٹروں کی ایک مشترکہ ٹیم نے جموں میں مارکیٹ کا معائینہ کر کے غیر معیاری گوشت کو تحویل میں لے کر اُس کو ضائع کر دیا گیا ۔ڈاکٹر رمندیپ سنگھ اور ڈاکٹر جیون لال نے میونسپل ویٹرنری آفیسر، ڈاکٹر دیویا شرما کے ساتھ ٹیم نے جموں شہر کے مختلف علاقوں میں عید الاضحیٰ 2024 کے موقع پر مختلف سرپرائز میٹ انسپیکشن مہم چلائی تاکہ صحت مند، اچھے گوشت کی فروخت کو یقینی بنایا جا سکے۔ صارفین کو معیاری گوشت کی دستیابی کیلئے انتظامیہ کی جانب سے تعینات ٹیم تالاب تلو، بوہڑی، مٹھی، بن تلاب، پالوڑہ ، جانی پور، امبھلہ، سی پی او چوک، ناروال، گاندھی نگر، گنگیال، ستواری، تالاب کھٹکان اور شاہدی چوک وغیرہ میں سرپرائز ڈرائیوز چلائی گئیں۔مہم کے دوران گوشت کی مختلف دکانوں، چکن شاپس اور مچھلی فروشوں کا معائنہ کیا گیا اور تقریباً 25 کلو گرام غیر معیاری گوشت قبضے میں لیا گیا اور بعد ازاں اسے سائنسی طریقے سے تلف کر دیا گیا۔ اس کے ساتھ ساتھ ایک لاکھ روپے جرمانہ بغیر مہر کے، غیر صحت بخش اور غیر معیاری گوشت فروخت کرنے پر گوشت فروخت کرنے والوں پر 10,000جرمانہ عائد کیا گیا۔گوشت اور چکن کی دکان کے دکانداروں کو بھی ہدایت کی گئی کہ وہ جے ایم سی گاڑیوں کے ذریعے مزید مناسب طریقے سے ٹھکانے لگانے کے لئے انکار شدہ/ناقابل خوردنی گوشت اور چکن کے پرزوں کی وجہ سے روزانہ پیدا ہونے والے فضلے کو جمع کرنے کے لئے علیحدہ ڈبے رکھیں۔ انتظامیہ نے دکانداروں اور گوشت فروشوں کو ہدایت جاری کرتے ہوئے کہاکہ وہ صارفین کیلئے معیاری ساز و سامان دستیاب رکھیں جبکہ غیر معیاری ساز و سامان رکھنے والوں کیخلاف سخت کارروائی عمل میں لائی جائے گی ۔
