عظمیٰ نیوزسروس
ادھم پور// جموں و کشمیر کے ادھم پور ضلع کے جنگلاتی علاقے میں دو نابالغ لڑکیوں کی مبینہ طور پر عصمت دری کی گئی۔اس سلسلے میںپولیس نے ملزمین کی شناخت دلیپ کمار اور رویندر کمار کے طور پر کی ہے جو دونوں پنچاؤنڈ کے رہنے والے ہیں۔ پولیس کے ایک ترجمان نے بتایا کہ پولیس کے مطابق، 16 اور 17سال کی لڑکیاں سکول کی پکنک سے گھر جا رہی تھیں جب ان پر ملزمان نے انہیں جمعہ کی شام جنگل میں مبینہ طور پر زیادتی کا نشانہ بنایا۔ ترجمان نے کہا کہ لڑکیاں رات بھر جنگلاتی علاقے میں بے ہوش پڑی رہیں اور ہفتہ کی صبح اطلاع ملنے پر پولیس نے انہیں برآمد کرلیا۔ انہوں نے بتایا کہ لڑکیوں کو علاج کے لیے سب ڈسٹرکٹ ہسپتال رام نگر منتقل کیا گیا۔انہوں نے مزید کہا کہ مقامی پولیس سٹیشن میں قانون کی متعلقہ دفعات کے تحت مقدمہ درج کیا گیا ہے اور مزید تفتیش جاری ہے۔ ترجمان نے کہا کہ ملزم جرم کا ارتکاب کرنے کے بعد فرار ہو گیا تھا لیکن اسے پولیس کی خصوصی ٹیموں نے گرفتار کر لیا جنہیں تشکیل دیا گیا اور مختلف سمتوں میں بھجوایا گیا۔
