ایم ایم پرویز
رام بن//سینئر سپرنٹنڈنٹ آف ٹریفک پولیس نیشنل ہائی وے رام بن اور دیگر ٹریفک پولیس افسران نے ٹرک ڈرائیوروں کے ساتھ بات چیت کی اور سری نگر جموں قومی شاہراہ پر ٹریفک میں تعطل اور اچانک سڑک بلاک ہونے کی وجہ سے ڈرائیوروں کو درپیش مسائل کا تفصیلی جائزہ لیا ۔سرکاری ذرائع نے بتایا کہ ایس ایس پی ٹریفک نیشنل ہائی وے را م بن روہت باسکوترا نے ڈی ایس پی ٹریفک ادھم پور اور دیگر کے ساتھ ادھم پور میں ٹرک ڈرائیوروں سے بات چیت کی۔ان کا کہنا تھا کہ ایس ایس پی ٹریفک نیشنل ہائی وے نے ڈرائیوروں کی شکایات سنیں جیسے نیشنل ہائی وے پر ناشری اور بانہال کے درمیان اچانک سڑک بلاک ہونے کی وجہ سے ٹریفک کی بے قاعدگی رک جانا، نیشنل ہائی وے پر پارکنگ اور آرام کی جگہوں کا مسئلہ، حقیقی وقت میں معلومات کا تبادلہ، اور سڑک کے حالات وغیرہ جیسے مسائل پر اپنی شکایت کے بارے میں آفیسر موصوف کو جانکاری فراہم کی گئی ۔ایس ایس پی نے ڈرائیوروں کو بتایا کہ ناشیری اور بانہال کے درمیان NH-44 کا حصہ زیر تعمیر ہے لہذا سبھی کو قومی شاہراہ پر عملی مسائل جیسے چند حصوں میں سڑک کی چوڑائی، قریب میں جاری تعمیراتی سرگرمیاں، اور ڈرائیونگ کے دوران خانہ بدوشوں کی نقل و حرکت کے بارے میں صبر کرنا ہوگا۔ڈرائیوروں کو بتایا گیا کہ و ہ شاہراہ پر سفر کے دوران اپنی گاڑیوں کو میکانکی طور پر فٹ رکھیں۔انہوں نے انہیں مشورہ دیا کہ وہ اپنی گاڑیوں میں کافی ایندھن رکھیں تاکہ ان کو اور دیگر مسافروں کو تکلیف نہ ہو، کسی بھی خرابی سے نمٹنے کے لئے ہمیشہ کنڈکٹرز رکھیں، تمام دستاویزات کو درست رکھیں، اور ونڈ اسکرین اور گاڑیوں کے دیگر حصوں پر گرافٹی نہ بنائیں۔انہوں نے ڈرائیوروں کوہدایت کی کہ وہ طویل ڈرائیونگ کے بعد مناسب آرام کریں اور نشہ آور اشیاء سے پرہیز کریں۔
