عظمیٰ نیوز ڈیسک
نئی دہلی// لیفٹیننٹ گورنر منوج سنہا نے کہا ہے کہ آرٹیکل 370 کی منسوخی کے بعد جموں و کشمیر کی کامیابیوں اور اس کے مستقبل کے لیے وژن کا خاکہ بنایا گیا۔لیفٹیننٹ گورنر نے کہا”آج جموں و کشمیر ایک متاثر کن رفتار سے ترقی کر رہا ہے اور مختلف شعبوں میں خاموش تبدیلی رونما ہو رہی ہے، ہم نے عوام کی امنگوں کو پورا کرنے کے لیے جامع اور تیز رفتار ترقی کے اہداف کو حاصل کرنے کے لیے اہم اقتصادی شعبوں کی تبدیلی کا آغاز کیا ہے،” ۔وہ نئی دہلی میں شری رام کالج آف کامرس کے زیر اہتمام بزنس کانکلیو 2024 سے خطاب کررہے تھے۔ طلبا کیساتھ بات چیت کرتے ہوئے لیفٹیننٹ گورنر نے نریندر مودی کی قیادت میں مختلف شعبوں میں چیلنجوں اور کامیابیوں پر روشنی ڈالی۔لیفٹیننٹ گورنر نے کہا کہ آج جموں کشمیر اختراعات، صنعتوں، سیاحت، تعلیم، کھیل، زراعت، صحت، کاروباری اور دستکاری کا مرکز بن گیا ہے۔انہوں نے کہا کہ جامع ترقی کے تئیں انتظامیہ کی وابستگی نے محروم طبقات، نوجوانوں، خواتین اور کسانوں کے لیے اپنی حقیقی صلاحیتوں کو اجاگر کرنے کے لیے ایک سازگار ماحول پیدا کیا ہے۔انکا کہنا تھا کہ ہم نے خوف، بدعنوانی اور دہشت گردی سے پاک جموں و کشمیر بنانے کے لیے ٹھوس اقدامات کئے ہیں۔ لیفٹیننٹ گورنر نے مزید کہا کہ عوام پر مرکوز گورننس، عوامی خدمات کی فراہمی کا موثر طریقہ کار، پراجیکٹ کی تکمیل کی تیز رفتاری، فلاحی اسکیموں اور سب کے لیے یکساں مواقع نے عام آدمی کو بااختیار بنایا ہے اور زندگی کی آسانی کو بہتر بنایا ہے۔لیفٹیننٹ گورنر نے کہا کہ ان کے لیے پالیسی صرف کاغذ کا ٹکڑا نہیں ہے بلکہ عوام کے خواب اور خواہشات ہیں۔لیفٹیننٹ گورنر نے کہا کہ ہم نے عام آدمی کو پالیسی سازی میں اسٹیک ہولڈر بنایا ہے اور ان کی ضروریات کے مطابق ترقیاتی کام کیے جا رہے ہیں۔ اسمارٹ سٹی پروجیکٹس نے شہری تبدیلی کے خواب کو شرمندہ تعبیر کیا ہے اور نوجوانوں کی خواہشات اور خواب پھول رہے ہیں۔
