عاصف بٹ

کشتواڑ// کشتواڑ ضلع کے ڈول علاقہ میں زیرتعمیر پاور پروجیکٹ کے اندر گینٹری کرین گرنے کے سبب کمپنی میں کام کررہے ایک نوجوان کی موقع پر ہی موت واقع ہو گئی۔
ذرائع کے مطابق، یہ واقع دوپہر کو اس وقت پیش آیا جب پاور پروجیکٹ تعمیر کررہی کمپنی ایل این ڈی پاور ہاوس کے باہر کام کررہی تھی جس دوران گینٹری کرین کا بڑا حصہ اچانک ٹوٹ کرگرگیا اور کمپنی کا ملازم اس کی زد میں آگیا جس کی وجہ سے ملازم کی موقع پر ہی موت واقع ہو گئی۔
اُنہوں نے بتایا کہ نوجوان کی لاش کو قانونی و طبی کاروائیوں کیلئے ضلع ہسپتال منتقل کیاگیا جہاں سے بعد میں نعش کو آخری رسومات کیلے ورثاءکے سپرد کر دیا گیا۔
نوجوان کی شناخت پچیس سالہ امجد حسین ولد نذیر حسین ساکنہ ڈول کے طور ہوئی ہے جو کمپنی میں بطور الیکٹریشن کام کررہاتھا۔
ادھر، پولیس نے اس سلسلے میں مقدمہ درج کرلیا ہے اور تحقیقات شروع کر دی ہیں۔