عظمیٰ ویب ڈیسک

اکھنور// فوج نے جموں کے اکھنور میں دراندازی کی ایک کوشش کو ناکام بناتے ہوئے ایک جنگجو کو مار گرانے کا دعویٰ کیا ہے۔
وائٹ نائٹ کور نے ایکس پر ایک پوسٹ میں کہا، ” اکھنور کے بین الاقوامی سرحدی سیکٹر میں فورسز نے دراندازی کی کوشش کو ناکام بنانے کے بعد دہشت گرد کو مار گرایا ہے“۔
اُنہوں نے بتایا کہ گزشتہ شب سرویلنس ڈیوائسز کے ذریعے چار دہشت گردوں کی مشتبہ حرکت دیکھی گئی۔ اُنہوں نے بتایا مشتبہ نقل و حرکت پر فائرنگ میں ایک درانداز کو مار گرایا گیا۔
دفاعی ذرائع نے مزید بتایا کہ دہشت گردوں کو سرحد کے قریب ایک لاش کو گھسیٹتے ہوئے دیکھا گیا ہے۔
اُنہوں نے بتایا کہ علاقے میں بڑے پیمانے پر تلاشی کاروائی جاری ہے۔ اس سلسلے میں مزید تفصیلات کا انتظار ہے۔