عظمیٰ نیوز سروس
سرینگر// چیمبر آف کامرس اینڈ انڈسٹریز کشمر (سی سی آئی کے) کی نئی ایگزیکٹو باڈی تشکیل دینے اور مشتاق چایا سرپرست اعلی اور طارق گانی دوسری مرتبہ صدر منتخب ہونے پر وقف بورڈ کی چیئرپرسن ڈاکٹر درخشاں اندرابی نے مبارکباد پیش چیمبر آف کامرس اینڈ انڈسٹریز کشمیر کی جانب سے ایک نجی ہوٹل میں ایک پْروقار تقریب کا اہتمام کیا گیا۔جس میں ڈاکٹر درخشاں اندرابی نے خاص مہمان کے طور شرکت کی۔اس موقعے پر سی سی آئی کے کئی اہم معاملات پر سیر حاصل بحث کی گئی وہیں کشمیر ہنڈی کرافٹ، ہوٹل انڈسٹری، شعبہ سیاحت و ٹرانسپورٹ کے علاوہ دیگر کاروباری شعبے سے وابستہ افراد نے بھی اپنی کاروبار میں درپیش مشکلات کے حل کی خاطر کے لیے اپنا اپنا نقط نظر پیش کیا۔
ڈاکٹر درخشاں اندرابی نے سی سی کے آئی کو یقین دلایا کہ اگر درپیش مشکلات کے ازالے کی خاطر کبھی میری ضرورت پڑتی ہے تو میں اپنا بھر پور تعاون پیش کروں گی۔سی سی آئی کے سرپرست اعلی مشتاق چایا نے کہا کہ گزشتہ چند برسوں سے شعبہ سیاحت پٹری پر لوٹ چکا ہے جس کے چلتے منسلک افراد اس وقت اپنا روزگار بہتر طور کما رہے ہیں تاہم وادی کشمیر میں نئے سیاحتی مقامات ہر بہتر سہولیات فراہم کرنے کی ضرورت ہے تاکہ زیادہ سے زیادہ سیاح کشمیر کی طرف راغب ہوجائے ۔اس موقعے پر سی سی آئی کے،کے نو منتخب عہدیداران کو بھی تہنیت پیش کی گئی جن میں سنئیر نائب صدر ایم ایم حسین، سیکرٹری جنرل عدنان شاہ، جونئیر نائب صدر ڈاکٹر عمران نظیر، جوائنٹ سیکرٹری عاطف خان، ٹریجرر اعجاز خان، ، چیئرمین ہیٹرک گروپ آف کمپنیز شوکت چوہدری ، صدر پرائیویٹ اسکولز ایسوسی ایشن جی این وار، ای سی ممبر ناصر خان، امیر گننا ، عاقب چایا ،مصدق شاہ، شیخ فیروز، ریاض پجرا ،جاوید انیم ، محمد صدیق رونگا،مسعود برزہ ، نعیم پٹو ،ڈاکٹر سجاد ،وسیم چایا، سید برکت گیلانی زبیر گل دین کے نام قابل ذکر ہیں۔تقریب کے آخر پر سی سی آئی کے صدر طارق رشید گانی کے سبھی مہمانوں کا شکریہ ادا رتے ہوئے سبھوں کا تعاون طلب کیا
