ڈبلیو ٹی سی فائنل کیلئے ہندوستان کی تیاریاں شروع

لندن// انڈین پریمیئر لیگ (آئی پی ایل) میں اپنی ٹیموں کی مہم ختم ہونے کے بعد لندن پہنچ چکے ہندوستانی کھلاڑیوں نے آسٹریلیا کے خلاف ورلڈ ٹیسٹ چیمپئن شپ (ڈبلیو ٹی سی) فائنل کے لیے تیاریاں شروع کر دی ہیں۔جمعرات کو یہ معلومات دیتے ہوئے بورڈ آف کنٹرول فار کرکٹ ان انڈیا (بی سی سی آئی) نے ٹویٹ کیا، “ہندوستانی ٹیم کی نئی ٹریننگ کٹ کی نقاب کشائی۔ اس کے ساتھ ہی ڈبلیو ٹی سی فائنل کی تیاریاں بھی شروع ہو گئیں۔خیال رہے کہ بی سی سی آئی نے اسپورٹس ویئر برانڈ ایڈیڈاس کے ساتھ پانچ سال کا معاہدہ کیا ہے ، جس کے تحت ہندوستانی ٹیم کی جرسی اور کٹ میں تبدیلی کی گئی ہے ۔وراٹ کوہلی، روی چندرن اشون، امیش یادو، شاردول ٹھاکر، اکشر پٹیل، محمد سراج اور جے دیو انادکٹ آئی پی ایل کا سفر ختم کرنے کے بعد کوچنگ اسٹاف کے ساتھ لندن روانہ ہو چکے ہیں۔ شاردول اور امیش کو ہیڈ کوچ راہل دراوڑ، بیٹنگ کوچ وکرم راٹھور، فیلڈنگ کوچ ٹی دلیپ اور بولنگ کوچ پارس مہمبرے کے ساتھ بی سی سی آئی کی طرف سے جاری کردہ تصاویر میں دیکھا گیا۔یہاں اوول گراؤنڈ میں 7 جون سے ڈبلیو ٹی سی فائنل میں ہندوستان کا مقابلہ آسٹریلیا سے ہوگا۔ ہندوستان نے مسلسل دوسری بار خطابی میچ میں جگہ بنائی ہے جبکہ پچھلی بار اسے نیوزی لینڈ کے ہاتھوں شکست کا منہ دیکھنا پڑا تھا۔ڈبلیو ٹی سی فائنل کے لیے ہندوستانی اسکواڈ: روہت شرما (کپتان)، شوبھمن گل، چیتشور پجارا، وراٹ کوہلی، اجنکیا رہانے ، کے ایس بھرت (وکٹ کیپر)، روی چندرن اشون، رویندر جڈیجہ، اکشر پٹیل، شاردول ٹھاکر، محمد سمیع، محمد سراج، اومیش یادو ، جے دیو انادکٹ، ایشان کشن (وکٹ کیپر)،اسٹینڈ بائی کھلاڑی رتوراج گائیکواڈ، مکیش کمار، سوریہ کمار یادو۔یواین آئی