سرینگر//سرینگر ڈیولپمنٹ اتھارٹی کی ایسٹیبلشمنٹ کمیٹی کی ایک میٹنگ میں ایس آراو۔43کے تحت فوت ہوئے ملازمین کے پسماندگان کو ہمدردی کی بنیاد پر نوکری فراہم کرنے کے معاملات پرغور کیاگیا۔ڈپٹی کمشنر کی صدارت میں ان نو معاملات پر انفرادی طور ہرایک معاملے کا جائزہ لیاگیا۔ میٹنگ میں سرینگرمیونسپل کارپوریشن کے کمشنراطہرامین خان اور چیئرمین سرینگرڈیولپمنٹ اتھارٹی حارث احمد ہنڈوبھی موجودتھے،جبکہ ایڈیشنل ڈپٹی کمشنر سرینگر سید شبیراحمد، ڈی ڈی ایم او سرینگر امتیاز احمد نائیک، صدرمحاسب الطاف احمد،ایڈمنسٹرٹیو افسرایس ڈی اے بشارت احمداور دیگرمدعوممبران موجودتھے۔میٹنگ کے آغازمیں کمیٹی کے سامنے نوزیرالتواء معاملے پیش کئے گئے جنہیں ہمدردی کی بنیاد پر ایس آر او43کے تحت نوکری فراہم کرنے پرغور کیاگیا۔ایسٹیبلشمنٹ کمیٹی نے ان معاملات پرغور کرنے کے بعدقواعد وضابط کی پاسدار ی کاجائزہ لیااور چار معاملوں کو ایس آر او43کے تحت نوکری فراہم کرنے کی سفارش کی۔کمیٹی نے پایا کہ باقی ماندہ معاملوں کونوکری فراہم کرنے کیلئے سفارش نہیں کیاجاسکتا کیوں کہ ان کی عمر اور تعلیمی قابلیت کم تھی ۔
سرینگرڈیولپمنٹ ارتھارٹی ایسٹیبلشمنٹ کمیٹی کی میٹنگ ۔4معاملوں کو ایس آر او -43کے تحت نوکری فراہم کرنے کی سفارش
