جموں//عام آدمی پارٹی کی ریاستی میڈیا کوآرڈینیشن کمیٹی کے چیئرمین اور ریاستی ترجمان ڈاکٹر نواب ناصر نے اتوار کو کہا کہ بی جے پی لیڈر ترون چگ کی طرف سے جاری کیا گیا تازہ بیان جموں و کشمیر کے منظر نامے کو الجھانے اور اسمبلی انتخابات کے انعقاد کے مطالبے پر غیر یقینی صورتحال پیدا کرنے کی ایک اور کوشش ہے۔ڈاکٹر نواب نے پریس کانفرنس سے خطاب کرتے ہوئے بی جے پی لیڈر ترون چگ کے بیان کا جواب دیا جو بیان اخبارات میں شائع ہوا ہے جس میں مسٹر چگ نے جموں و کشمیر میں اگلے سال کے پہلے چند مہینوں میں اسمبلی انتخابات کرانے کے اشارا دیا ہے۔ ناصر نے کہا کہ جموں و کشمیر کو غیر یقینی اور افراتفری کی حالت میں دھکیل دیا گیا ہے اور بی جے پی نے اپنی ناکامیوں کو چھپانے کے لیے غیر یقینی کی صورتحال پیدا کرنے اور عوام کو ہر پہلو سے الجھانے کے علاوہ کچھ نہیں کیا۔انکاکہناتھا”جموں و کشمیر میں بی جے پی کی طرف سے پیدا کی گئی سب سے بڑی الجھن اسمبلی انتخابات کے انعقاد کے نام پر ہے کیونکہ جموں و کشمیر کے لوگ پچھلے کئی سال سے انتخابات کا مطالبہ کر رہے ہیں لیکن بی جے پی ایل جی انتظامیہ کے ذریعے اپنا پراکسی راج جاری رکھے ہوئے ہے اور غیر سرکاری طور پر جموں و کشمیر پر حکومت کر رہی ہے “۔ ڈاکٹر نواب نے مزید کہا کہ بی جے پی کی حکمرانی جموں و کشمیر کی تاریخ کی بدترین حکمرانی میں سے ایک ہے جہاں عوامی شکایات کے ازالے کا طریقہ کار بدترین سطح پر ہے جبکہ عوامی خدمات کی فراہمی کے نظام کے لیے بیوروکریٹک سیٹ اپ کے اندر کوئی جوابدہی نہیں ہے۔ڈاکٹر نواب نے کہا “جب بھی بی جے پی لیڈروں سے جموں و کشمیر میں انتخابات کرانے کے لیے کہا جاتا ہے، وہ بتاتے ہیں کہ بی جے پی کے لیڈران انتخابات کے شیڈول پر کھل کر بات کرتے ہیں اور اس سے ظاہر ہوتا ہے کہ بی جے پی جموں و کشمیر میں اسمبلی انتخابات کے لیے فیصلہ ساز ادارہ ہے۔”انہوں نے کہا کہ بی جے پی کے ترون چگ کا یہ تازہ بیان کچھ اور نہیں ہے اس کے بعد جموں و کشمیر میں اسمبلی انتخابات کے لیے کنفیوڑن پھیلانے اور عوام کو بے وقوف بنانے کی ایک اور کوشش ہے۔ڈاکٹر نواب نے بی جے پی سے کہا کہ وہ اس موضوع پر صاف بیان جاری کریں اور جموں و کشمیر میں اسمبلی کے انتخابات کے بارے میں واضح طور پر کوئی فیصلہ کرنے کے بجائے گھر کے اندر بیانات نہ دے جس سے عام آدمی میں مزید الجھن پھیل جائے۔الیکشن کمیشن آف انڈیا کو آڑے ہاتھوں لیتے ہوئے ڈاکٹر نواب ناصر نے کہا کہ الیکشن کمیشن آف انڈیا بھی اس گڑبڑ کا ذمہ دار ہے کیونکہ وہ مکمل خاموشی اختیار کیے ہوئے ہے جس سے غیر یقینی کی صورتحال مزید پھیل رہی ہے۔انکاکہناتھا”اِی سی آئی کو آگے آنا چاہئے، اپنا موقف واضح کرنا چاہئے اور جموں و کشمیر میں اسمبلی انتخابات کے انعقاد کے شیڈول کے بارے میں عوامی اعلان کرنا چاہئے تاکہ یہ غیر یقینی صورتحال ختم ہوسکے۔” ڈاکٹر نواب نے یہ بتاتے ہوئے کہا کہ اِی سی آئی نے جموں و کشمیر میں اسمبلی انتخابات میں تاخیر کرکے پہلے ہی کئی اصولوں کی خلاف ورزی کی ہے اور یہ سب بی جے پی کی حمایت کے لیے کیا گیا ہے کیونکہ جموں و کشمیر میں حالات بی جے پی کے لیے سازگار نہیں ہیں اور پارٹی اپنی بنیاد کھو چکی ہے۔
