کابل// افغانستان کے دارالحکومت کابل میں بدھ کو ایک مسجد کے اندر فائرنگ کے نتیجے میں ایک ہی خاندان کے پانچ افراد ہلاک اور ایک زخمی ہوگیا۔
پولیس کے ترجمان خالد زادران نے یہ اطلاع دی۔ ایک خبر رساں ادارے سے بات چیت میں اس بات کی تصدیق کرتے ہوئے انہوں نے کہا کہ کابل کی ایک مسجد کے اندر ایک فوجی نے نماز کے لیے آنے والے لوگوں پر فائرنگ کی۔ فائرنگ سے ایک ہی خاندان کے پانچ افراد جاں بحق اور ایک زخمی ہوگیا۔
اہلکار نے بتایا کہ فائرنگ کابل شہر کے مشرقی کنارے پر ڈسٹرکٹ 09 پولیس اسٹیشن کے علاقے کے تحت خواجہ رواش میں ایک مسجد کے اندر ہوئی۔ ابتدائی تفتیش سے معلوم ہوا ہے کہ یہ واقعہ کسی پرانی دشمنی کی بناء پر انجام دیا گیا ہے۔ تحقیقات جاری ہے اور مجرموں کو سخت سے سخت سزا دی جائے گی۔
