یو این آئی
سرینگر//محکمہ وائلڈ لائف کی ایک ٹیم نے سرینگر کے راج باغ علاقے میں گھوم رہے ریچھ اور اس کے بچے کو پکڑ لیا ۔ ریچھ کے گھومنے سے علاقے میں خوف و ہراس پھیل گیا تھا اور اتوار کے روز ریچھنی نے لال منڈی علاقے میں ایک نجی اسکول کے چوکیدار کو زخمی کر دیا تھا۔ضلع مجسٹریٹ سری نگر اعجاز اسد نے اس سلسلے میں اپنے ایک ٹویٹ میں کہا ’21 گھنٹوں کے طویل نان اسٹاپ آپریشن کے بعد راج باغ علاقے میں نمودار ہونے والی ریچھنی کو بے ہوش کر دیا گیا، وائلڈ لائف محکمے کی سربراہی والی ٹیم نے بہت بڑا کام انجام دیا‘۔
