یو این آئی
جموں// جموں وکشمیر پولیس کے سربراہ دلباغ سنگھ نے منگل کے روز کہا کہ ریاسی کے مضافاتی علاقے میں گرفتار لشکر کمانڈر طالب حسین سے پوچھ تاچھ جاری ہے۔
انہوں نے بتایا کہ مقامی لوگوں کی جانب سے جنگجووں کو دھر دبوچ کر پولیس کے حوالے کرنے سے سرحد پار بیٹھے شر پسندوں کو ایک اچھا پیغام گیا ہے۔
ان کے مطابق ملی ٹینسی کے خاتمے کے سلسلے میں یہ ایک نئی شروعات ہے۔
ان باتوں کا اظہار دلباغ سنگھ نے ریاسی میں نامہ نگاروں سے بات چیت کے دوران کیا۔
انہوں نے کہاکہ لشکر کمانڈر طالب حسین کی گرفتاری سیکورٹی کے نظریہ سے بہت بڑی کامیابی ہے۔
انہوں نے بتایا کہ طالب حسین کے تار کس کس سے جڑے ہیں اس کی بڑے پیمانے پر تحقیقات شروع کی گئی ہے۔
انہوں نے مزید کہاکہ ملی ٹینٹ راجوری، پونچھ ، ڈوڈہ میں پھر سے ملی ٹینسی کو زندہ کرنے، ہابرڈ ماڈیول تیار کرنے اور ٹارگیٹ کلنگ کو انجام دینے کی خاطر سازشیں رچا رہے ہیں تاہم ہربار جموں وکشمیر پولیس نے ان کے منصوبوں کو ناکام بنایا۔
ان کے مطابق ریاسی کے لوگوں کی جانب سے بہادری دکھانے سے سرحد پار بیٹھے شر پسندوں کو ایک اچھا پیغام گیا ہے۔
پولیس چیف نے بتایا کہ ملی ٹینسی کے خاتمے کے سلسلے میں یہ ایک نئی شروعات ہے۔
یہ پوچھنے جانے پر طالب حسین کے تار کن لوگوں سے جڑے ہوئے ہیں کے جواب میں پولیس سربراہ نے بتایا کہ اس حوالے سے تحقیقات جاری ہے۔
انہوں نے بتایا کہ طالب حسین میڈیا والا بھی تھا ، گھٹیا عناصر ہر جگہ پائے جاتے ہیں لیکن زیادہ تر لوگ سیکورٹی فورسز کو اپنا بھر پور تعاون فراہم کر رہے ہیں۔
سٹکی بم کے بارے میں پوچھے گئے سوال کے جواب میں پولیس سربراہ نے کہاکہ یہ اپنے آپ میں بہت بڑا خطرہ ہے۔
انہوں نے کہاکہ ادھم پور سبزی منڈی بھی سٹکی بم کا استعمال کیا او رراجوری میں بھی ایسے دو واقعات پیش آئے تاہم فورسز نے متعدد سازشوں کو ناکام بھی بنایا۔
