بنگلور ٹیسٹ: :محتاط بلے بازی کے بعد بھارت کی میچ میں واپسی

 بنگلور //چتیشور پجارا (ناٹ آؤٹ 79) اور اجنکیا رہانے (ناٹ آؤٹ 40) کے درمیان پانچویں وکٹ کے لیے 93 رنز کی ناٹ آؤٹ ساجھے داری کی بدولت ہندستانی کرکٹ ٹیم نے آسٹریلیا پر جوابی حملہ کرتے ہوئے دوسرے ٹیسٹ کے تیسرے دن پیر کو چھ وکٹ باقی رہتے 126 رنز کی مضبوط برتری حاصل کر لی۔ہندستانی ٹیم نے اپنی دوسری اننگز میں 72 اوورز میں چار وکٹ کے نقصان پر 213 رنز بنا لئے ہیں اور اس کے پاس اب 126 رنز کی اہم برتری حاصل ہے ۔بلے باز پجارا اور رہانے فی الحال میدان پر ڈٹے ہوئے ہیں۔اننگز میں اوپنر راہل نے 51 رنز کی اہم نصف سنچری اننگز کھیلی اور اچھی شروعات دلائی اور اس کے بعد پجارا اور رہانے نے پانچویں وکٹ کے لئے 33.5 اوور میں 93 رن کی ناٹ آؤٹ ساجھے داری کرکے دن کا کھیل ختم ہونے تک ہندوستان کو مضبوط برتری دلا دی۔سیریز میں اب تک یہ کسی جوڑی کی سب سے زیادہ شراکت بھی ہے ۔اس سے پہلے 82 رنز کی سب سے زیادہ شراکت میٹ رینشا اور ڈیوڈ وارنر نے کی تھی۔بلے باز ابھینو مکند 16 رن، وراٹ کوہلی 15 رنز اور رویندر جڈیجہ دو رن بنا کر سستے میں آؤٹ ہوئے ۔اس سے پہلے ہندستان کی دوسری اننگز میں آسٹریلوی گیند بازوں نے بلے بازوں پر دباؤ بنانے کا اچھی کوشش کی اور چائے کے وقفہ تک ہندوستان کو 122 رن پر ہی چار جھٹکے دے دیئے ۔تیز گیند باز جوش ھیزل وڈ نے 57 رن پر سب سے زیادہ تین وکٹ نکالے جبکہ سٹیو او کیفے کو 28 رن پر ایک وکٹ ملا۔لیکن اس کے بعد ہندستان نے نئی توانائی کے ساتھ کھیلتے ہوئے پھر دن کے اختتام تک اپنا کوئی اور وکٹ نہیں گرنے دیا اور 91 رن اور جوڑ اسکور 212 تک لے گئے ۔چائے کے وقفہ تک اپنے چار وکٹ گنوانے کے بعد بلے بازوں نے کہیں بہتر کھیل کا مظاہرہ کیا اور پجارا نے 173 گیندوں کی اننگز میں چھ چوکے لگا کر ناٹ آؤٹ 79 رنز بنائے ۔پجارا نے 125 گیندوں میں اپنے 50 رن پورے کئے جو ان کی ٹیسٹ میں 14 ویں نصف سنچری بھی ہے ۔وہیں رہانے نے دوسرے سرے پر ان کا اچھا ساتھ دیا اور 10 گیندوں کی اننگز میں تین چوکے لگا کر ناٹ آؤٹ 40 رنز بنائے ۔راہل نے میچ میں اپنی مسلسل دوسری نصف سنچری بناتے ہوئے 51 رنز بنائے ۔تاہم چائے وقفہ ہونے تک ہیزل وڈ نے ہندستان کے تین وکٹ لے کراسے دباؤ میں ڈال دیا۔اس وقت تک ہندستان کے پاس محض 35 رنز کی ہی برتری تھی لیکن دن کے اختتام تک پجارا اور راہل برتری کو 100 کے پار لے گئے ۔راہل نے ابھینو مکند کے ساتھ 39 رن جوڑے ۔مکند لیکن 16 رنز بنا کر ہیزل وڈ کی گیند پر بولڈ ہوئے اور آسٹریلیا کو اس کا پہلا وکٹ جلد مل گیا۔اس کے بعد راہل اور پجارا نے دوسرے وکٹ کے لئے 45 رن جوڑے ۔لیکن اس شراکت پر جلد بریک کیفے نے لگا دیا اور راہل کپتان اسٹیون اسمتھ کو کیچ دے بیٹھے ۔راہل نے 85 گیندوں میں چار چوکے لگا کر 51 رنز بنائے جو ان کی ٹیسٹ میں چوتھی اور اس میچ میں دوسری نصف سنچری ہے ۔کپتان وراٹ کوہلی اس بار پھر سستے میں آؤٹ ہوئے اور 25 گیندوں کی اننگز میں ایک چوکا لگا کر 15 رنز ہی بنا سکے ۔وراٹ کو بھی ہیزل وڈ نے ایل بی ڈبلیو کر ہندستان کا تیسرا اہم وکٹ نکالا۔وراٹ کو امپائر نے فورا ایل بی ڈبلیو دیا لیکن ہندستانی کپتان نے اس کا ریویو مانگا۔یہ کافی قریبی معاملہ تھا کہ گیند نے پہلے پیڈ کو نشانہ کیا ہے یا بلے کو۔میدانی امپائر نے وراٹ کو آؤٹ دیا تھا، پھر امپائر کیٹل بورو نے بھی کہا کہ فی الحال کوئی ٹھوس ثبوت نہیں ہے کہ گیند نے پہلے بلے بازی کو نشانہ بنایا ہے ۔بالآخر کچھ دیر بحث کے بعد ہندستانی کپتان کو پویلین ہی جانا پڑا۔(یو این آئی)