پاکستان ٹیم میں اچھے آل رآنڈرز کی کمی ہے،انضمام الحق

 لاہور/چیف سلیکٹر انضمام الحق نے کہا ہے کہ پاکستان ٹیم کو اچھے آل رآنڈرز کی کمی کا سامنا ہے جب کہ مصباح الحق اور یونس خان کی جانب سے ریٹائرمنٹ کے فیصلے کا احترام کرتے ہیں اورٹیم میں دونوں سینئر پلیئرز کی کمی محسوس ہوگی۔لاہور میں میڈیا سے گفتگو کرتے ہوئے  چیف سلیکٹر نے کہا کہ پاکستان ٹیم کو اچھے آل رآنڈرز کی کمی کا سامنا ہے، اب ہمارے پاس عبدالرزاق اور اظہر محمود کے لیول کے آل رآنڈرز موجود نہیں ہیں تاہم سرفراز احمد اچھے وکٹ کیپر ہیں انہیں ہی وکٹ کیپنگ کرنی چاہیے۔  انہوں نے کہا کہ مصباح الحق اور یونس خان کی جانب سے ریٹائرمنٹ کے فیصلے کا احترام کرتے ہیں جب کہ ٹیم میں دونوں سینئر پلیئرز کی کمی محسوس ہوگی۔انضمام الحق نے کہا کہ ویسٹ انڈیز کی ٹیم کو آسان نہیں لینا چاہیے، ایک میچ ہارنے سے کچھ نہیں ہوتا، بولرز کی کارکردگی فکر کی بات ہے، امید ہے گرین شرٹس کم بیک کریں گے۔انہوں نے کہا کہ سلیکشن میں سابقہ کارکردگی کو بھی مدنظر رکھتا ہوں جب کہ اس میں ٹیم کی ضرورت کو بھی مدنظر رکھا جاتا ہے۔ ایک سیریز میں 7، 8 نوجوان کھلاڑیوں کو موقع دینا آسان نہیں تھا، کارکردگی پر منتخب کیا گیا۔