تاریخ کے روشن ستارے:صلاح الدین

مظفر آباد//حزب المجاہدین نے میرواعظ مولانا محمدفاروق اور خواجہ عبد الغنی لون کو خراج عقیدت ادا کرتے ہوئے کہا ہے کہ دونوں قائدین نے ایک قائدانہ کردار ادا کیا۔متحدہ جہاد کونسل ترجمان سید صداقت حسین کی طرف سے موصولہ بیان میں کہا گیا ہے کہ شہدائے حول ہماری تاریخ کے روشن ستارے ہیں ۔بیان کے مطابق حزب سربراہ اور متحدہ جہاد کونسل کے چیئر مین سید صلاح الدین نے جہاد کونسل کے ایک اعلیٰ سطحی اجلاس سے خطاب کرتے ہوئے کہا کہ 1947سے آج تک 5لاکھ کشمیری جوانوں،بزرگوں،ماﺅں،بیٹوں اور بیٹیوں نے غلامی کی زنجیریں توڑنے کیلئے اپنی جانوں کا نذرانہ پیش کیا ۔انہوں نے کہا”یہ قربانیاں ہم پر قرض ہیں اور ہم ان قربانیوں کی لاج رکھتے ہوئے زندگی کے آخری سانس اور خون کے آخری قطرے تک جدوجہد جاری رکھیں گے“۔ صلاح الدین نے مولوی محمد فاروق ، خواجہ عبدالغنی لون کو خراج عقیدت ادا کرتے ہوئے کہا کہ آزادی کے اس سفر میں ان دونوں رہنماﺅںنے ایک قائدانہ کردار ادا کیا جسے فراموش نہیں کیا جاسکتا ہے۔انہوں نے شہدائے حول کو بھی خراج عقیدت ادا کرتے ہوئے کہا کہ وہ آسمان حریت کے روشن ستارے ہیں ۔ صلاح الدین نے اس عزم کو دہرایا کہ شہداءکے مقدس لہو کی لاج رکھی جائے گی اور ہمیں معلوم ہے کہ یہ خون ہم پر قرض ہے ۔جہاد کو نسل سربراہ نے گڈورہ پلوامہ کے محمد یوسف کی فورسز کے ہاتھوں زیر حراست ہلاکت کو حکمرانوں کی بوکھلاہٹ سے تعبیر کرتے ہوئے کہا کہ ایسے اقدامات سے کشمیری قوم کے حوصلوں کو توڑا نہیں جاسکتا ۔