لیبر قوانین اور سماجی انصاف

 سرینگر//سرینگر میں لیبر قوانین اور سماجی انصاف کے اصولوں کے بارے میں پانچ روز تربیتی پروگرام اختتام پذیر ہوا۔اس تربیتی پروگرام کا افتتاح ریاست کے چیف جسٹس، جسٹس بدر دُریز احمد نے کیا تھا۔ ڈائریکٹر جے اینڈ کے سٹیٹ جوڈیشل اکیڈیمی عبدالرشید ملک نے ماہرین اور شرکاءکا شکریہ ادا کرتے ہوئے امید ظاہر کی کہ پچھلے پانچ دنوں کے دوران ہوا استفسار تمام شرکاءکو اُن کے ہنروں کو نکھار بخشنے میں فائدہ بخش ثابت ہوگا اور وہ مزدوروں کے قوانین کو مو¿ثر ڈھنگ سے من وعن عملانے میں کامیاب ہوجائیں گے۔انہوں نے کہا کہ کل کے اقتصادی منظرنامے میں کامگاروں کو ایک کلیدی حیثیت حاصل ہے کیونکہ کوئی بھی نظام مزدوروں کو نظر انداز کر کے خوش اسلوبی کے ساتھ جاری نہیں رہ سکتا ہے۔انہوں نے کہا کہ مزدوروں کو سماج میں ایک نمایاں اہمیت حاصل ہے۔ انہوں نے کہا کہ عدلیہ سماجی انقلاب کا ایک جز ہے ۔واضح رہے کہ تربیتی پروگرام پچھلے پانچ دنوں کے دوران لیبر قوانین کے اصولوں اور مختلف مدوں پر تفصیل سے تبادلہ خیال ہوااور اُن اقدامات پر بھی سیر حاصل غور و خوض ہوا جو لیبر عدالتوں کی طرف سے مزدوروں ، کامگاروں ، خواتین و بچوں کو انصاف دلانے کے لئے کئے جاسکتے ہیں۔ریاستی ہائی کورٹ کے سابق جج جسٹس حسنین مسعودی ، ڈائریکٹر جے اینڈ کے سٹیٹ جوڈیشل اکیڈیمی عبدالرشید ملک ،پرزائیڈنگ آفیسر فوڈ سیفٹی اپلیٹ ٹربیونل محمد یوسف آخون ، ریٹائرڈ آئی اے ایس آفیسر ڈاکٹر جی آر گانی ،ریٹائرڈ ریجنل منیجر ایس ایف سی ظہور احمد جان نے پروگرام میں ماہرین کی حیثیت سے شرکت کی۔تربیتی پروگرام کے دوران ماہرین نے شراکت داری کے رول کی حوصلہ افزائی کرتے ہوئے کہا کہ اس عمل سے لیبر محکمہ کے افسروں اور دیگر متعلقین کو عدالتی کارروائی موثر ڈھنگ سے عمل میں لانے کے لئے اپنے ہنروں کو بڑھاوا دینے میں کافی مددملے گی۔تربیتی پروگرام 20 سیشنوں پر مشتمل تھاا ور شرکا¿کو تین گروپوں میں تقسیم کیا گیا تھا اور اس دوران لیبر قوانین ، جوڈیشل ایتھکس اور دیگر موضوعات پر پرزنٹیشن دی گئی ۔لیبر کمشنر سرمد حفیظ کے علاوہ سی ای او جے اینڈکے بلڈنگ اینڈ ادر کنسٹریکشن ویلفیئر بورڈ سید مرید حسین شاہ نے بھی اختتامی تقریب میں شرکت کی ۔انہوں نے مزدوروں اور کامگاروں کے قوانین کی مو¿ثر عمل آوری کو یقینی بنانے کے لئے کئے جارہے اقدامات کا تفصیلی خاکہ پیش کیا۔