وانگت کنگن//بابا نگری کنگن میں حضرت بابا نظام الدین کیانوی نقشبندیؒ کا 122 واں عرس شریف جو 6 جون سے شروع ہوا، تین دن تک جاری رہے گا، میں شرکت کرنے کے لئے ہزاروں کی تعداد میں عقیدت مند ریاست جموں و کشمیر اور بیرون ریاست کے کونے کونے سے آرہے ہیں۔عرس شریف میں زائرین اور عقیدت مندوں کی خاطر لنگر میں دو سو کونئٹل سے زائد چاول،گوشت،سبزی،روٹیاں،دہی کا انتظام کیا گیا ہے جبکہ ماہ رمضان المبارک کے پیش نظر خصوصی طور پر میٹھے چاول پکائے جارہے ہیں جو افطار اور سحری کوبانٹا جارہا ہے ۔لنگر میں 300 افراد رضاکارانہ طور پر کام کررہے ہیںاورہزاروں کی تعداد میں عقیدت مندوں اور زائرین کے لیے رہنے اور کھانے پینے کا انتظامات کررہے ہیں۔میاں سرفراز احمد اور میاں الطاف احمدکی زیر نگرانی لنگر میں سحری اور افطار کیلئے انتظامات ہورہے ہیں ۔122 ویں عرس شریف کی اختتامی تقریب موجود سجادہ نشین میاں بشیر احمد کی زیر قیادت ہورہی ہے ۔عرس میں شرکت کرنے کے لیے مختلف علاقوں سے آئے ہوئے علمائے کرام کے علاوہ مسلم پرسنل لا بورڑ جدید کے صدر مفتی سعید بشارت حسین برکاتی،مولانا نثار حسین نقشبندی راجوری،مفتی غلام محی الدین نقشبندی خطیب بابا نگری وانگت،سجادہ نشین شیخ عبدالقادر جیلانی خانیارمیر سید خالد حسن گیلانی بھی عرس تقریبات میں حصہ لے رہے ہیں ۔ہر سال کی طرح رواں سال بھی ختمات المعضمات اور دورد اذکار کی محفلیں آراستہ ہورہی ہیںاور اختتامی تقریب پر 8جون کو دعائیہ مجلس ہوگی۔واضح رہے اگر چہ ہر سال رےاست ،بےرون رےاست اور ہمساےہ ملک سے ہزاروں عقےدت مند عرس میں شرکت کرنے کیلئے آتے تھے تاہم اس سال نا مساعد حالات کی وجہ سے کئی علاقوں سے زائرین نہیں آسکے ۔ معلوم ہوا ہے کہ شوپےان مےں نا مساعد حالات کی وجہ سے خطہ پیر پنچال سے آرہی چند گاڑےوں کو آگے جانے کی اجازت نہےں دی گئی جسکی وجہ زائرےن کو ماےوس ہوکر واپس لوٹنا پڑا ۔
عمر عبداللہ کی مبارکباد
سرےنگر// نےشنل کانفرنس کے کارگذار صدر عمر عبداللہ نے بلند پاےہ خدادوست ولی کامل حضرت بابا نظام الدےن کےانویؒ (نقشبندی) کے سالانہ عرس مبارک پر لوگوں کو مبارکباد پےش کرتے ہوئے کہا کہ بزرگان دےن کی بدولت ہی کشمےر کا چپہ چپہ اسلام سے منور ہوا اور اِن کی عظےم اور ملی کوششوں کی وجہ سے ہی رےاست کے مسلمان علم قرآن وعلم حدےث سے روشناس ہوئے۔ اِن کی درگاہےں ہماری ملی ثقافت ، اسلام تہذےب وتمدن کے گہووارے اور دلوں کے سکون رہے ہےں اور اللہ اِن درگاہوں پر اپنے بندوں کی دعائےں قبول کرتا ہے۔ اُنہوں نے کہا بزرگان دےن کی تعلےم قرآن اور حدےث پر مبنی ہے اور اِن کی تعلےم ہمارے لئے مشعل راہ ہے ۔اُنہوں نے کہا کہ حضرت نظام الدےن صاحب ؒ نے رےاست کے آرپار کے ساتھ ساتھ ملک کے دےگر حصوں مےں بھی تبلےغی خدمات انجام دیئے اور اُن کی تعلےم وروحانی کمالات ہمارے لئے باعث سعادت ہے۔
