مہور//مہور میں گذشتہ رات سے بجلی بند ہے جس کی وجہ سے لوگوں کو پریشانی کا سامنا کرنا پڑ رہا ہے۔مقامی لوگوں کا کہنا ہے کہ محکمہ پی ڈی ڈی نے کل سے بجلی بند کر د ی ہے لیکن ابھی تک بجلی سپلائی کو بحال نہیں کیا گیا ہے۔ان کا کہنا ہے کہ گزشتہ شب لوگوں نے اندھیرے میں تراوحی کی نماز ادا کی۔مقامی لوگوں کا کہنا ہے کہ اگرچہ رات کو تیز آندھی اور بارش کی وجہ سے بجلی بند کر دی گئی تھی لیکن ابھی تک بجلی سپلائی کو بحال نہیں کیا گیا تاہم آج دن بجلی پر چلنے والے کام بند رہے اور سارے دفاتر کا کام ٹھپ رہا۔دوسری طرف سے بجلی پر چلنے والی تجارت بھی ٹھپ رہے۔مقامی لوگوں نے محکمہ بجلی پر الزام لگایا کہ اس سے قبل بھی لوگ بجلی کی آنکھ مچولی سے تنگ آگئے ہے۔مقامی طلباء نے کشمیر اعظمیٰ کو بتایا کہ بجلی کی آنکھ مچولی سے ان کی پڑھائی بری طرح سے متاثر ہورہی ہے۔انہوں نے انتظامیہ سے مانگ کی ہے کہ محکمہ بجلی کے ملازمین کیخلاف سخت کاروائی کی جائے اور بجلی سپلائی کو بحال کیا جائے۔
مہور میں دو دن سے بجلی بند، لوگ پریشان
