جڈیجہ کی خطرناک گیند بازی ، سری لنکا کودوسرے ٹیسٹ میں بھی شکست

کولمبو، لیفٹ آرم اسپنر رویندر جڈیجہ (152 رن پر پانچ وکٹ) اور ہردک پانڈیا اور روی چندرن اشون کے دو دو وکٹوں کی بدولت ہندستان نے سری لنکا کو دوسرے کرکٹ ٹسٹ کے چوتھے ہی دن اتوار کو چائے کے وقفہ سے پہلے اننگز اور 53 رن سے شکست دے کر تین میچوں کی ٹیسٹ سیریز میں 2۔0 کی ناقابل تسخیر برتری حاصل کرلی۔ ہندستان نے اس طرح پہلی بار سری لنکا زمین پر اننگز کے فرق سے کامیابی حاصل کی۔اس سے پہلے گالے میں پہلے ٹیسٹ میں ہندستان نے 304 رنز سے کامیابی حاصل کی تھی جو رنز کے لحاظ سے ہندستان کی سری لنکا زمین پر سب سے بڑی جیت تھی۔ہندستان نے اس طرح سری لنکا میں مسلسل دوسری سیریز جیت اپنے نام کر لی۔ہندستان نے وراٹ کوہلی کی کپتانی میں سری لنکا کو 2015 میں 2۔1 سے شکست دی تھی۔ہندستان کی یہ مسلسل آٹھویں سیریز جیت ہے ۔ دنیا کی نمبر ایک ٹیم ہندستان کے پہلی اننگز میں نو وکٹ پر 622 رن اننگز ڈکلئیر کے جواب میں سری لنکا کی ٹیم اپنی پہلی اننگز میں 183 رنز پر ڈھیر ہو گئی تھی اور پھر اسے فالو آن کھیلنے پر مجبور ھونا پڑا۔سری لنکا نے کل کے دو وکٹ پر 209 رنز سے آگے کھیلنا شروع کیا اور اس کی دوسری اننگز کوشل مینڈس (110) اور اوپنر دمتھ کرونارتنے (141) کی سنچریوں کے باوجود 116.5 اوور میں 386 رن پر سمٹ گئی۔ہندستان نے اس طرح یہ ٹیسٹ اننگز اور 53 رنز سے جیت لیا۔ دوسرے ٹیسٹ میں ہندستان کی پہلی اننگز میں ناقابل شکست 70 رنز بنانے والے دوسری اننگز میں پانچ وکٹ سمیت میچ میں کل سات وکٹ حاصل کرنے والے دنیا کے نمبر ایک بولر جڈیجہ کو مین آف دی میچ کا ایوارڈ ملا۔جڈیجہ نے 39 اوور میں 152 رن پر پانچ وکٹ لئے ۔ پانڈیا نے 31 رن پر دو وکٹ، اشون نے 132 رن پر دو وکٹ اور فاسٹ بولر امیش یادو نے 39 رن پر ایک وکٹ حاصل کیا۔ سری لنکا نے صبح اپنی اننگز دو وکٹ پر 209 رنز سے آگے بڑھائی۔لیکن جلد ہی اس نے دو وکٹ گنوا دیے ۔ نائٹ واچ مین ملنڈا پشپ کمارا 16 رن بنانے کے بعد اشون کی گیند پر بولڈ ہو گئے ۔ کپتان دنیش چنڈیمل نے دو رنز بنائے تھے کہ جڈیجہ نے انہیں اجنکیا رہانے کے ہاتھوں کیچ کرا دیا۔ دوسرے سرے پر اوپنر دمتھ کرونارتنے نے 92 رن سے آگے کھیلتے ہوئے اپنی چھٹی سنچری مکمل کی۔کرونارتنے سری لنکا کی جدوجہد جاری رکھے ہوئے تھے اور انہوں نے لنچ تک ٹیم کے اسکور کو 302 رنز تک پہنچا دیا۔دوپہر کے کھانے کے وقت کرونارتنے 136 اور اینجلو میتھیوز 28 رنز پر ناٹ آ¶ٹ تھے ۔ لیکن لنچ کے بعد سری لنکا نے 84 رن جوڑ کر اپنے باقی چھ وکٹ گنوا دیئے ۔ہندستان کے لئے سب سے بڑا خطرہ بنے کرونارتنے لنچ کے بعد فوری طور پر نمٹ گئے ۔سری لنکا کی ٹیم اپنے ا سکور میں آٹھ رن کا ہی اضافہ کر پائی تھی کہ کرونارتنے کو جڈیجہ کی گیند پر رہانے نے لپک لیا۔ کرونارتنے نے 307 گیندوں پر 141 رنز کی شاندار اننگز میں 16 چوکے لگائے ۔ اس کے بعد میتھیوز (36) بھی جڈیجہ کی گیند پر وکٹ کیپر ردھمان ساہا کو کیچ دے بیٹھے ۔سری لنکا نے پانچ رن کے وقفہ میں دو وکٹ گنوا دیئے اور اس کا اسکور چھ وکٹ پر 315 رن ہو گیا۔ اس کے چھ رن بعد دلرووان پریرا (4) کو جڈیجا کی گیند پر وکٹ کیپر ساہا نے اسٹمپ کر دیا۔ دھننجے ڈی سلوا نے 17 رنز بنائے تھے کہ جڈیجہ نے انہیں رہانے کے ہاتھوں کیچ کرا دیا۔سری لنکا کا آٹھواں وکٹ 343 کے اسکور پر گرا۔وکٹ کیپر بلے باز نروشن ڈکویلا نے 56 گیندوں میں چار چوکوں کی مدد سے 31 رنز بنائے اور ان کا شکار پانڈیا نے کیا۔اشون نے نوان کلدیپ کو آ¶ٹ کر سری لنکا کی اننگز 386 رنز پر سمیٹ دی۔رنگنا ہرات 17 رن پر ناٹ آ¶ٹ رہے ۔ وراٹ کوہلی کی اپنی کپتانی میں 28 ٹسٹ میچوں میں یہ 18 ویں فتح ہے ۔ہندستان نے اس سے پہلے 2015 میں بھی سری لنکا کو وراٹ کی کپتانی میں ہی 2۔1 سے شکست دی تھی۔اس جیت کے ساتھ ہی ہندستان نے وراٹ کی کپتانی میں مسلسل آٹھویں سیریز جیتی ہے ۔ دونوں ممالک کے درمیان سیریز کا تیسرا اور آخری ٹیسٹ میچ ہفتہ سے پلیکیل میں کھیلا جائے گا۔یواین آئی