وارنر 100 ویں ون ڈے میں سنچری بنانے والے آٹھویں بلے باز

 بنگلور، ۸۲ ستمبر (یواین آئی) آسٹریلیا کے جارح بلے باز ڈیوڈ وارنر ایک روزہ کرکٹ میں اپنے ۰۰۱ ویں میچ میں سنچری بنانے والے دنیا کے آٹھویں اور آسٹریلیا کے پہلے بلے باز بن گئے ہیں۔۰۳ سالہ وارنر نے ہندوستان کے خلاف جمعرات کو یہاں چوتھے ون ڈے میں ۹۱۱ گیندوں میں۲۱ چوکوں اور دو چھکوں کی مدد سے ۴۲۱ رن کی شاندار اننگز کھیلی جو ان کے کیرئیر کی ۴۱ ویں سنچری تھی۔ وارنر نے اس طرح اپنے ۰۰۱ ویں ون ڈے کو یادگار بنایا۔ آسٹریلیائی بلے باز سے پہلے یہ اعزاز ویسٹ انڈیز کے گارڈن گرینیز، کرس گیل اور رام نریش سرون، نیوزی لینڈ کے کرس کینرس، پاکستان کے محمدیوسف ، سری لنکا کے کمارسنگاکارا اور انگلینڈ کے مارکس ٹریسکوتھک حاصل کیا تھا۔ وارنر سے پہلے یہ کارنامہ انجام دینے والے آخری بلے باز سرون تھے جنہوں نے مئی ۶۰۰۲ میں یہ ریکارڈ اپنے نام کیا تھا۔ ان آٹھ بلے بازوں میں تین کے ساتھ یہ دلچسپ بات ہے کہ انہوں نے ہندوستان کے خلاف ون ڈے میں یہ کارکردگی پیش کی ہے ۔پہلے کینرس نے پھر سرون نے اور اب وارنر نے ہندوستان کے خلاف سنچری بناکر یہ ریکارڈ اپنے نام کیا۔ یواین آئی۔