برف باری اور بارشوں سے بھدرواہ میں سیاحت کے امکانات روشن :بی ڈی اے

بھدرواہ/طاہر ندیم خان //بھدرواہ میں خشک سالی کی وجہ سے موسم خزاں کا سیاحتی سیزن ناکام ہونے کے بعدبھدرواہ کے بالائی سیاحتی مقامات  بشمول م پدری، گلڈانڈا اور جائی گھٹی میں گذشتہ تین دنوں سے اچھی برفباری ہونے ی وجہ سے سرما کا سیاحتی سیزن شاندار ہونے کی توقع ہے۔ ان سیاحتی سیر گاہوں پر برفباری سرمائی کھیلوں کیلئے ایک تحفہ آیا ہے ۔اس کے پیش نظر بھدرواہ ڈیولپمنٹ اتھارٹی نے اگلے ماہ'Snow Carnival' منعقد کرنے کے انتظامات کئے ہیں۔بھدرواہ کا عوام خصوصاً سیاحت سے منسلک لوگوں کو گذشتہ چار مہینوں کی خشک سالی سے کافی نقصان ہوا ہے اور میدانی علاقوں میں ہلکی بارشوں اور بالائی علاقوں میں درمیانہ درجہ کی برفباری سے سیاحت سے منسلک لوگوں میں ایک امید جاگ گئی ہے کہ اس سے سرمائی سیاحتی سیزن کو فروغ حاصل ہوگا۔دریں اثنا بی ڈی اے نے سیاحتوں کا خٰر مقدم کرنے کے لئے اپنی تمام تیاریاں کی ہیں کیونکہ تمام  سیر گاہوںبشمول بھدرواہ۔جائی، بھدرواہ۔پدری،بھدروہ۔ ہنگا اور بھدروراہ ۔گلدادنہ۔چھترگلہ ۔سرتھل کو جانے والی سڑکوں سے برف ہٹایا گیا ہے اور یہ سیاحتی مقامات ہر قسم کے ٹریفک کے لئے کھلے ہیں۔بھدرواہ ڈیولپمنٹ اتھارٹی کے پبلسٹی افسر سجاد نثار خان نے کہا کہ خوش قسمتی سے علاقہ میں درمیانہ درجہ کی برفباری ہوئی ہے ،جو کہ سیاحتی سیزن کے لئے ایک نیک شگون ہے۔کیونکہ ایک طرف سے سیاح برف باری کا لطف لے سکیں گے جبکہ دوسری جانب وہ برف سے لدے ہوئے بالائی مقامات پر جا سکیں گے،کیونکہ ان مقامات کو جانے والی تمام سڑکیں کھلی ہیں اور سیاحوںنے ا ن علاقوں کی طرف موسم گرم کی طرح ہی جانا شروع کر دیا ہے۔انہوں نے کہا کہ ہم سرگرمی سے کام کر رہے ہیں اور توقع ہے کہ سنو فیسٹول اگلے ماہ منعقد کیا جائے۔ ممبئی کے ایک سیاح پرول بھٹناگر نے کہا کہ پدری میں اگر چہ موسم تھوڑا خراب ہے،کیونکہ ہر 10 منٹ کے بعد وہاں برفانی طوفان ہوتا ہے لیکن یہ حقیقی طور سے ایک ایڈوینچر ہے۔ہم اس کا لطف اُٹھانے کیلئے یہاں آئے ہیں۔