جموں//محکمہ دیہی ترقیات میں ایم جی نریگاکے تحت 2014سے تعینات ملازمین نے ایمپلائزجوائنٹ ایکشن کمیٹی کے صدرعبدالقیوم وانی کی قیادت میں سیکرٹریٹ گھیرائوکے مقصدسے پریس کلب جموں سے احتجاجی ریلی نکالی جس کو سیکرٹریٹ پہنچنے سے پہلے ہی پولیس نے روک دیاگیا۔اس دوران منریگا ملازمین کی حمایت میں پنتھرس پارٹی کے چیرمین ہرش دیوسنگھ بھی ریلی میں شامل ہوئے۔سیکریٹریٹ گھیرائوریلی کی خبرملتے ہی سیکرٹریٹ میں بھی افراتفر ی پھیل گئی اورسیکریٹریٹ کے باہر بھاری پولیس نفری تعینات کردی گئی تاکہ منریگاملازمین سیکریٹریٹ کے اندرگھسنے میں کامیاب نہ ہوسکیں ۔اس دوران ریلی کوسیکرٹریٹ پہنچنے سے قبل ہی پولیس نے روک لیا۔اس دوران قیوم وانی نے خطاب کرتے ہوئے مظاہرین سے پرامن رہنے کی اپیل کی ۔انہوں نے حکومت سے2014سے ایم جی نریگاکے تحت ملازمین کیلئے جاب پالیسی تشکیل دینے ، تنخواہوں کی وقت پرادائیگی، تنخواہوں میں اضافہ اوریقین دہانیوں پرعملدرآمدیقینی بنانے کامطالبہ کیا۔اس دوران مظاہرین نے حکومت پرمنریگاملازمین کے مطالبات کے تئیں لیت ولعل کی پالیسی اختیارکرنے کاالزام لگایا۔انہوں نے کہاکہ اس وقت وزیر دیہی ترقی نے ان کے مطالبات کوتسلیم کرتے ہوئے یقین دلایا کہ سرکارانکے مطالبات پورے کرانے کیلئے پوری طرح سے کوششیں کررہی ہے ۔لہذامنریگا ملازمین حکومت کی جانب سے ان مطالبا ت کی عمل آوری کاانتظار کریں جس کیلئے حکومت نے ایک ماہ کاوقت مانگاتھا ۔انہوں نے کہاکہ میٹنگ میں منریگاایسوسی ایشن پرزوردیا گیاتھاکہ وہ احتجاج کاپروگرام ترک کریں اوربعدمیں وزیرموصوف کی یقین دہانی کے بعدمنریگاملازمین نے چارفروری کودی گئی کام چھوڑہڑتال موخرکردی لیکن حکومت اپنے اس وعدے کوعملانے میں ناکام ہوگئی ہے جبکہ مہینوں گزرجانے کے باوجودبھی حکومت نے اس معاملے کوالتوامیں ڈال دیااوراب سرکاربھی اس حساس معاملے پرخاموش نظرآرہی ہے ۔
منریگاملازمین کی ’سیکرٹریٹ گھیرائو‘ ریلی ناکام
