سروئیں سرمیں طبی کیمپ کاافتتاح

 جموں//دیہی علاقوں میں صحت سہولیات کی بروقت فراہمی اوربیداری مہم بیماریوں سے بچائوکیلئے اہم رول اداکرسکتی ہے ۔ان خیالات کااظہار دویندرسنگھ رانانے  گذشتہ روز نگروٹہ کے دیہی علاقوں میں صحت خدمات کی فراہمی کویقینی بنانے کے سلسلے میں سروئیں سرمیں عالمی یوم صحت کے موقعہ پرایک طبی کیمپ کاافتتاح کررہے تھے۔اس دوران رانانے حکومت سے دیہی علاقوں میں صحت خدمات کی فراہمی اوربیماریوں سے بچائوکیلئے بیداری مہم چلانے کامطالبہ کیاہے۔اس موقعہ پر بلاک میڈیکل آفیسرڈنسال ،ڈاکٹرشمیم ،ڈاکٹروں اورنیم طبی عملے کی ٹیم بھی موجودتھے۔رانانے کہاکہ لوگوں کوان کی دہلیزپر صحت فراہم کرنے کی ضرور تہے۔انہوں نے کہاکہ اگروقتاً فوقتاً اپنی طبی جانچ کرواتے رہیں اوربیماریوں سے بچائوکیلئے جانکاری حاصل کرتے رہیں توان کی صحت بہتررہ سکتی ہے۔ نہوں نے لوگوں سے اپیل کی کہ وہ وقفے وقفے کے بعدچیک اپ کومعمول بنائیں۔اس دوران کیمپ میں لوگوں کی طبی جانچ کے علاوہ انہیں ڈاکٹروں کی ٹیم نے ادویات بھی فراہم کیں۔رانانے ڈاکٹروں کاشکریہ اداکیا۔ انہوں نے بلاک اورپنچایت سطح پرمیڈیکل کیمپوں کے انعقاد کویقینی بنایاجائے۔اس موقعہ پر صوبائی نائب صدر رتن لال گپتا، سابق سرپنچ رمیشوردت،چیئرمین رحمت علی،سابق سرپنچ سبھاش چندر،صادق ،موہن سنگھ،موہن لال، بلونت سنگھ،سابق نائب سرپنچ بیلی رام کے علاوہ جگدیش کھجوریہ، کرشن سنگھ ،مشتاق، محمدصادق ،بلبیرسنگھ ،شام سنگھ، گوپال سنگھ ودیگران بھی موجودتھے۔