سرینگر/ریاست میں منگل کو منعقد ہونے والے پنچائتی انتخابات کے ساتویں مرحلے کے دوران 2714 پولنگ مراکز پر ووٹنگ شروع ہوگئی ہے جن میں سے کشمیر صوبے کے576 اور جموں صوبے کے 2138 پولنگ مراکز شامل ہیں ۔ پولنگ کا عمل صبح آٹھ بجے شروع ہوا اور یہ دو بجے تک جاری رہے گا ۔
سی ای او جے اینڈ کے شالین کابرا کے مطابق 892 پولنگ مراکز کو انتہائی حساس زمرے میں رکھا گیا ہے جن میں سے کشمیر صوبے کے 428 اور جموں صوبے کے 464 پولنگ مراکز شامل ہیں ۔
انہوں نے کہا کہ ساتویں مرحلے میں 341 سرپنچ اور 1798 پنچ حلقوں کیلئے5575 اُمیدوار میدان میں ہیں جبکہ 85 سرپنچوں اور912 پنچوں کو پہلے ہی بلا مقابلہ کامیاب قرار دیا جا چکا ہے ۔
انہوں نے مزید کہا کہ آج ساتویں مرحلے کے دوران 475865 ووٹر سرپنچ حلقوں اور 345880 ووٹر پنچ حلقوں کیلئے ووٹ ڈالیں گے ۔
