سرینگر //جموں و کشمیر میں پچھلے 24گھنٹوں کے دوران 25 ہزار 51 افراد کی تشخیصی ٹیسٹ کئے گئے جن میں 257افراد کی رپوٹیں مثبت آئیں اور اسطرح متاثرین کی مجموعی تعداد ایک لاکھ 18 ہزار 263 ہوگئی ہے جن میں 48ہزار 565جموں جبکہ 69ہزار 698کشمیر سے تعلق رکھتے ہیں۔ اتوار کو مزید 4 متاثرین کورونا وائرس سے پیدا ہونے والے نمونیا سے فوت ہوگئے۔ متوفین کی مجموعی تعداد 1841ہوئی ہے۔ ان میں675جموں جبکہ 1166کشمیر میں فوت ہوئے ہیں۔ 257نئے معاملات میں 113کشمیر جبکہ 144 جموں صوبے میںمتاثر ہوئے ہیں۔ کشمیر کے 113 ماثرین میں 36 سرینگر، 22 بارہمولہ، 10بڈگام، 7کپوارہ، 3پلوامہ،1اننت ناگ، 8بانڈی پورہ، 15گاندربل، 0کولگام اور 11شوپیان سے تعلق رکھتے ہیں۔ جموں صوبے کے 144متاثرین میں 98 ضلع جموں، 7ادھمپور، 11 راجوری، 2 ڈوڈہ، 13 کٹھوعہ، 3کشتواڑ، 8سانبہ،1پونچھ،1رام بن اور ایک ریاسی سے تعلق رکھتا ہے۔
مزید 4اموات
کورونا وائرس سے جموں و کشمیر میں مزید 4افراد فوت ہوگئے۔ مرنے والے میں ایک کا تعلق کشمیر جبکہ 3جموں صوبے سے تعلق رکھتے ہیں۔کشمیر میں فوت ہونے والے شخص کا تعلق ضلع سرینگر سے ہے۔ سرینگر میں محکمہ صحت کے ایک سینئر ڈاکٹر نے بتایا’’ راج باغ سے تعلق رکھنے والا 85سالہ معمر شخص کورونا وائرس سے پیدا ہونے والے نمونیا سے فوت ہوگیا ‘‘۔سینئر ڈاکٹر نے بتایا کہ مرنے والے شخص کو چند دن قبل سی ڈی اسپتال ڈلگیٹ میں داخل کیا گیا جہاں اتوار کو اسکی موت واقع ہوگئی۔ جموں صوبے میں کورونا وائرس سے 3افراد فوت ہوگئے جن میں ایک ضلع جموں جبکہ مزید 2ادھمپور سے تعلق رکھتے ہیں۔
حکومتی بیان
سرکاری بلیٹن میں بتایا گیا ہے کہ نوول کورونا وائرس کے1,18,263معاملات سامنے آئے ہیں جن میں سے3,854سرگرم معاملات ہیں ۔ اَب تک1,12,568اَفراد صحتیاب ہوئے ہیں ۔جموں وکشمیر میں کوروناوائرس سے مرنے والوں کی مجموعی تعداد1,841تک پہنچ گئی ،جن میں سے 1,166کا تعلق کشمیر صوبہ سے اور675کاتعلق جموں صوبہ سے ہیں۔اِس دوران اتوارکو مزید475فرادشفایاب ہوئے ہیںجن میںجموں صوبے کے246اَفراداور کشمیر صوبے کے 229اَفرادشامل ہیں۔بلیٹن میں مزید کہا گیا ہے کہ اَب تک 35,28,248ٹیسٹوں کے نتائج دستیاب ہوئے ہیں جن میں سے 20؍دسمبر 2020 کی شام تک 34,09,985نمونوں کی رِپورٹ منفی پائی گئی ہے ۔علاوہ ازیں اَب تک8,47,084افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ اِن میں20,989اَفراد کو ہوم قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔3,854 اَفراد کوآئیسولیشن میں رکھا گیا ہے جبکہ26,581اَفراد کو گھروں میں نگرانی میں رکھا گیا ہے۔اِسی طرح بلیٹن کے مطاب7,93,819اَفرادنے 28روزہ نگرانی مدت پوری کی ہے۔
