نئی دہلی// بھاری صنعت پبلک انٹرپرائزز کے وزیر پرکاش جاوڈیکر نے منگل کوواضح کیا کہ حکومت لائف انشورنس کارپوریشن (ایل آئی سی) کی نجکاری کے لئے کوئی کوشش نہیں کررہی ہے ۔
لوک سبھا میں وقفہ سوال کے دوران ضمنی سوال کے جواب میں جاوڈیکر نے کہا کہ ایل آئی سی کی نجکاری کی افواہوں پر دھیان نہیں دیا جانا چاہئے ۔
انہوں نے کہا کہ حکومت کا منافع بخش عوامی شعبے کے کاموں میں دخل رہے گا اور حکومت کا ان کا نجکاری کرنے کا کوئی ارادہ نہیں ہے۔بھارت سانچار نگم لمیٹڈ (بی ایس این ایل) اور مہا نگر ٹیلیفون نگم لمیٹڈ (ایم ٹی این ایل) جیسے سرکاری کاموں میں حکومتی دخل کو کم نہیں کیا جائے گا۔
جاوڈیکر نے کہا کہ حکومت عوامی شعبے کے نقصانات اٹھانے والے منصوبوں کے احیاءکے لئے منصوبہ بنا رہی ہے۔
