ضلع ترقیاتی کمشنر کا متعدد علاقوں کا دورہ

 بڈگام //ڈپٹی کمشنر بڈگام شہباز احمد مرزا نے جمعہ کو ضلع کے دور دراز علاقوںددمپورہ ، سرشار ، برنواڑ ، جبڈ ، نیگو ، ہائجن کا دورہ کیا۔ ان کے ہمراہ وائس چیئرمین ڈی ڈی سی بڈگام نذیر احمد جوہرہ ، اے سی ڈی ، ایس ڈی ایم ، سی ای اوکے علاوہ مختلف محکمہ کے اعلیٰ افسران موجود تھے ۔ڈی سی نے ان علاقوں میں جاری ترقیاتی منصوبوں کا جائزہ لیا۔ڈی سی کو بتایا گیا کہ 11.0کلو میٹر Hanjoora۔  Breinwar سڑک میں سے 8.2کلو میٹر سڑک کا کام ہو چکا ہے اور 2.80 کلومیٹر کے کا کام جاری ہے ۔ اس سڑک کے لئے فنڈز 1383 لاکھ کی مختص ہیں۔ اس موقع پر ڈی سی نے متعدد عوامی وفود سے بات چیت کی جنہوں نے پانی کی فراہمی ، بجلی ، روڈ رابطہ اور صحت کی بہتر سہولیات سے متعلق اپنے مسائل اور مطالبات پیش کیے۔ ڈی سی نے بہت سارے معاملات کو موقع پر ہی حل کیا اور یقین دہانی کرائی کہ تمام حقیقی مطالبات کو جلد سے جلد پر غور کیا جائے گا۔ڈی سی نے محکمہ تعلیم کا جائزہ لیتے ہوئے اساتذہ کو ہدایت کی کہ وہ طلباء کو معیاری کمیونٹی کی تعلیم کوویڈ – 19 وبائی امراض کے تمام لازمی ایس او پیز کو مدنظر رکھتے ہوئے فراہم کریں۔ دورے کے دوران ڈی سی بڈگام نے 50 بستروں والے کے جی بی وی گرلز ہاسٹل کا افتتاح بھی کیا۔