مینڈھر //سب ڈویژن ہیڈ کوارٹر مینڈھر میں پلوشن کنٹرول سوسائٹی کا اجلاس اضافی ضلع ترقیاتی کمشنر پونچھ کی قیادت میں منعقد ہوا ۔اجلاس میں تحصیل آفیسران کیساتھ ساتھ حیاتیات اور کان کنی شعبہ کے آفیسران ،پنچایتی اراکین اور مینڈھر کے معززین بھی موجود تھے ۔اس دوران مکینوں و پنچایتی اراکین نے الزام عائد کرتے ہوئے کہاکہ متعلقہ محکمہ کی جانب سے دریائوں اور نالوں کے قریب ہونے والی تعمیرات کے سلسلہ میں گھروں میں بیٹھ کر ہی نقشے تیار کر دئیے جاتے ہیں جبکہ متعلقہ محکموں کے اعلیٰ آفیسران بھی ان ہی نقشوں کو منظوری کیلئے بھیج دیتے ہیں ۔انہوں نے مانگ کرتے ہوئے کہاکہ تعمیرات کے سلسلہ میں نقشے جگہوں کا معائینہ کرنے کے بعد ہی تیار کئے جائیں جبکہ تعمیرات کے سلسلہ میں مقامی ٹھیکیداروں کو ترجیح دی جائے تاکہ عام لوگوں کو فائد ہ پہنچ سکے ۔اس دوران ایڈیشنل ڈپٹی کمشنر نے عوامی مسائل و مانگوں کا جائزہ لیتے ہوئے کہاکہ نقشوں کیلئے مکینوں کو اعتماد میں لینا ضروری ہے تاہم ٹھیکیداروں کو کام سوپنے کے سلسلہ میں ایک نظام ہے جس کے تحت کوئی ٹھیکیدار بھی ٹینڈر بھر سکتا ہے ۔
ڈاک بنگلہ مینڈھر میں انتظامیہ کا اجلاس منعقد
