جموں//حکومت نے کہا ہے کہ پچھلے چوبیس گھنٹوں کے دوران صوبہ جموں میں کورونا وائرس کے4نئے مثبت معاملات سامنے آئے ہیںجبکہ02افرادشفایاب ہوگئے ہیں۔اس ودران صوبہ جموں میں 38 افراد مسلسل اس مرض سے جوجھ رہے ہیں جبکہ2327اموات ہوئی ہیں۔حکومت کی طرف سے جاری کئے گئے بلیٹن کے مطابق پچھلے چوبیس گھنٹوں کے دوران ضلع وار کووِڈمثبت معاملات کی رِپورٹ فراہم کرتے ہوئے کہاگیا کہ ضلع جموں میں04 نئے معاملات سامنے آئے ہیں ۔ ادھم پور ، راجوری ، کشتواڑ ، کٹھوعہ ،ڈوڈہ ،سانبہ ، پونچھ ،رام بن اور ریاسی اضلاع سے کسی مثبت معاملے کی کوئی رِپورٹ نہیں آئی ہے۔بلیٹن میں مزید کہا گیا ہے کہ اَب تک 2,40,52,742ٹیسٹوں کے نتائج دستیاب ہوئے ہیں جن میں سے 20؍مارچ 2022کی شام تک2,35,99,192نمونوں کی رِپورٹ منفی اور 4,53,550 نمونوں کی رِپورٹ مثبت پائی گئی ہے۔علاوہ ازیں اَب تک62,69,251افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ اِن میں31,558اَفراد کو گھریلو قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔115فراد کوآئیسولیشن میں رکھا گیا ہے جبکہ4,53,074اَفراد کو گھروں میں نگرانی میں رکھا گیا ہے۔اِسی طرح بلیٹن کے مطابق57,69,754اَفرادنے 28روزہ نگرانی مدت پوری کی ہے۔کووڈ ٹیکہ کاری کے بارے میں بلیٹن میں بتایا گیا ہے کہ گزشتہ چوبیس گھنٹوں کے دوران 6,948کووِڈ حفاظتی ٹیکے لگائے گئے ہیں جس سے ٹیکوں کی مجموعی تعداد 2,18,48,904تک پہنچ گئی ہے ۔اِس کے علاوہ جموں و کشمیر میںزائد اَز 18 برس عمر کی صد فیصد آبادی کو ٹیکے لگائے جاچکے ہیں۔
صوبہ جموں کے 9اضلاع کورونا وائرس سے پاک | صرف دارالحکومتی شہر میں4معاملات
