عاصف بٹ

کشتواڑ// ڈیوٹی سے غیر حاضری کی پاداش میں ضلع کشتواڑ کے مختلف سکولوں میں کم از کم 10 اساتذہ کو فوری طور معطل کردیاگیا ہے جبکہ 1 سکول و 4 اساتذہ کے خلاف وجہ بتاو نوٹس جاری کر دئے گئے ہیں۔
چیف ایجوکیشن افسر نے ہفتہ کو یوپی ایس متو محلہ کا اچانک دورہ کیا اور قریب 1 بج کر 35 منٹ پر سکول بند پایاگیا۔ سکول میں اساتذہ کی کل تعداد 10ہے جبکہ 55 طلباءزیرِ تعلیم ہیں۔
دورے کے بعد حکام نے جے کے اٹینڈس سسٹم پر متعلقہ اساتذہ کی حاضری دیکھی گئی جس میں سورن لتا شرما ماسٹر ، سفیرہ تحسین ، منظور حسین ، غزالہ پروین ، ارشاد احمد ڈار ، تسلیم کوثر ، رحمت خان ، شازیہ بشیر کھانڈے ٹیچر گریڈ دوم نے صبح اپنی حاضری پورٹل پر لگائی تھی جسکے بعد انھوں نے سکول کو چھوڑدیاتھا۔ جبکہ دو اساتذہ رومیکا سین و کنچن دیوی ڈیوٹی سے غیر حاضر پائی گئی۔ جس کے بعد سی ای او کشتواڑ نے حرکت میں آکر آٹھ اساتذہ کو فوری طور معطل کردیا جبکہ دو اساتذہ کے خلاف وجہ بتاو نوٹس جاری کیا۔ اُن پانچ روز میں وضاحت طلب کی،تین رکنی کمیٹی رادھا سین پرنسپل ہائی سیکنڈری سکول ترگام کی زیرنگرانی بنائی گئی اور اُن سے 20مئی تک رپورٹ جمع کرنے کی ہدایت دی گئی۔
اسی طرح کے ایک اور حکم نامہ سی ای او کشتواڑ کی جانب سے جاری کیا گیا جس میں بتایا گیا کہ 11 مئی کو سوشل میڈیا پر ایک ویڈیو یو پی ایس کجائی زون پاڈر کی موصول ہوئی جس میں سکول بند پایا گیا۔ سکول میں طلبہ کی کل تعداد 38 ہے جبکہ 5 اساتذہ تعینات ہیں، صبح 10 بج کر 05 منٹ پر کوئی بھی استاد سکول میں موجود نہیں تھا۔
حکم نامہ میں کہا گیا ہے کہ آن لائن حاضری دیکھنے پر انکشاف ہوا کہ اخلاق احمد زرگر ٹیچر گریڈ دوم نے 10 بج کر 14 پر حاضری لگائی ہے اور3 بج کر 45 پر دوسری حاضری لگائی ہے جبکہ مدن لال سہیل اکبر خطیب و سلمہ بٹ غیر حاضر پائی گی، جبکہ ایک استانی روضیہ اسلم چھٹی پر تھی۔ مدل لان و سہیل خطیب کو معطل کردیاگیا اور پرنسپل ہائی سیکنڈری سکول لگری سویتا شرما کی زیرنگرانی تین رکنی کمیٹی تشکیل دی گئی اور انھیں رپورٹ طلب کرنے کو کہا گیا وہیں اور معاملے تعلیمی زون درابشالہ سے سامنے آیا جہاں مڈل سکول بھٹکوٹ کے خلاف وجہ بتاو نوٹس جاری کیا گیا۔
حکم نامے میں بتایا گیا کہ سکول کو سکولی اوقات کار کے دوران بند پایاگیا۔ یہ بھی دیکھا گیا ہے ہیڈ ماسٹر نے اپنے ڈی ڈی او (زونل ایجوکیشن آفیسر، دراب شالہ) کو اطلاع دیے بغیر ہم طلباءکی تعلیم کو خطرے میں ڈالتے ہوئے ادارے کو بند کر دیا تھا۔ مواصلت کا فقدان اور کوئی معقول وجہ بتائے بغیر آپ کی روانگی آپ کے فرائض کے تئیں ذمہ داری کی کمی کو ظاہر کرتی ہے، جو کہ جموں و کشمیر کے ملازمین کے طرز عمل کے قوانین کی صریح خلاف ورزی ہے، آپ کو ہدایت کی جاتی ہے کہ اس دفتر کو 13 مئی تک یا اس سے پہلے اپنے وضاحت دیں۔ آخری تاریخ تک درست اور منصفانہ جواب فراہم کرنے میں ناکامی کو جرم کے اعتراف کے طور پر سمجھا جائے گا، اور یہ سمجھا جائے گا کہ آپ کو اس سلسلے میں کچھ کہنا نہیں ہے اور قواعد و ضوابط کے مطابق مناسب تادیبی کارروائی کی جائے گی۔
ہیڈ ماسٹر ہائی سکول درابشالہ کو ہدایت دی گئی ہے کہ وہ اس معاملے کی مکمل جانچ کریں اور اپنی تفصیلی رپورٹ 15 تک یا اس سے پہلے اس دفتر میں جمع کرائیں۔