عظمیٰ نیوز سروس
سرینگر// ٹریول ایجنٹس ایسوسی ایشن آف کشمیر(TAAK)کے صدر رؤف ترمبو نے کہاہے کہ ہوائی کرایوں میں اضافہ کشمیر کی سیاحت کے ساتھ ہمیشہ ایک مسئلہ رہا ہے۔ انہوں نے کہا’’یہ ہماری پروموشن سرگرمیوں کیلئے ایک بڑا رکاوٹ بن جاتا ہے۔ ہم ہمیشہ حکومت سے درخواست کرتے رہے ہیں کہ اس مسئلہ کو ھل کیا جائے کیونکہ ہم ناقابل برداشت ہوائی ٹکٹوں کی وجہ سے سیاحوں کا ایک بڑا حصہ کھو دیتے ہیں‘‘۔انہوں نے مزید کہا کہ ایئرلائن کمپنیوں کی طرف سے ہوائی کرایوں میں اضافے کی وجہ سے کشمیر پیکیج مہنگے ہو گئے ہیں۔ ایسی صورت حال ہے کہ دبئی یا تھائی لینڈ کا سفر کشمیر کے سفر سے سستا ہو جاتا ہے۔
ترمبو نے کہا کہ ہوائی کرایوں میں اضافے کی وجہ سے سیاح کشمیر کے بین الاقوامی دوروں کو ترجیح دیتے ہیں۔نیوز ایجنسی ٹی ای این کے مطابق فضائی کرایوں میں اضافے کی وجہ سے پچھلے چند ہفتوں سے سوالات کی تعداد میں کمی آئی ہے۔ٹاک صدرنے کہاکہ’ اگر ہمیں روزانہ سیاحوں سے 1000 سوالات موصول ہوتے ہیں تو اب ہمیں روزانہ 300-400 سوالات ملتے ہیں۔ ہم حکومت سے اضافی پروازیں تعینات کرنے اور ہوائی کرایہ کو منظم کرنے کی اپیل کرتے ہیں‘۔ موسم بہار کی آمد کے ساتھ ہی کشمیر میں سیاحوں کا رش دیکھنے میں آتا ہے خاص طور پر مہاراشٹرا اور گجرات سے جس کے بعد اپریل کے مہینے تک ہوٹل اور ہاؤس بوٹ بک ہو جاتے ہیں۔پچھلے دو ہفتوں سے کشمیر کے مختلف مقامات سے ہوائی کرایہ بڑھ رہا ہے اور اب اس میں 60 فیصد سے زیادہ اضافہ ہوا ہے۔میک مائی ٹرپ اورایز مائی ٹرپ سمیت دیگر پورٹلز کے ذریعے ہوائی کرایہ کے چارٹ پر ایک سرسری نظر یہ ظاہر کرتی ہے کہ اگلے دو ہفتوں کیلئے قریب ترین منزل نئی دہلی سے کشمیر تک کا ٹیرف 13,000 روپئے تک بڑھ گیا ہے۔ ایک یا دو ہفتے پہلے اسی منزل سے وادی تک کا ہوائی کرایہ صرف 5000سے5500 روپے فی مسافر تھا۔کشمیر سے دہلی واپسی کے ٹکٹ میں بھی تقریباً 30 فیصد کا اضافہ دیکھا گیا ہے اور یہ 8300 روپے فی شخص میں فروخت ہوتا ہے۔مہاراشٹر سے ایک طرفہ ہوائی ٹکٹ جہاں سے وادی سے جاری سیزن میں بڑی تعداد میں سیاح آتے ہیں، فی شخص 15000 سے 18000 روپے کے درمیان فروخت ہوتے ہیں۔ سرینگر سے ممبئی واپسی کا ٹکٹ بھی 18000 سے 25000 فی شخص تک بڑھ گیا ہے۔گجرات اور کولکتہ سے، جو کشمیر میں سیاحوں کی بڑھتی ہوئی تعداد میں بھی حصہ ڈالتے ہیں، ہوائی جہاز کا کرایہ بھی آسمان کو چھونے لگا ہے۔ان دونوں مقامات سے گزشتہ دو ہفتوں میں ہوائی کرایہ 50 فیصد سے زیادہ بڑھ گیا ہے۔
