عظمیٰ نیوزسروس
سرینگر// CRRID چندی گڑھ نے نگین جھیل کنزرویشن آرگنائزیشن کے چیئرمین منظور وانگنو کو ماحولیاتی تحفظ میں ان کی غیر معمولی شراکت کا اعتراف کرتے ہوئے باوقار تیسرے گرین چنڈی گڑھ ایوارڈ سے نوازنے کے لیے سری نگر میں ایک خصوصی تقریب کا اہتمام کیا۔سی آر آر آئی ڈی چنڈی گڑھ کی جانب سے ایک فالو اپ پہل کے طور پر منعقد ہونے والے اس پروگرام میں کانفرنس کے کوآرڈینیٹر ڈاکٹر منوج تیوتیا، ٹریول اینڈ ٹریڈ ایسوسی ایشنز کے نمائندوں، سابق بیوروکریٹس، ماہرین تعلیم، اور سرشار رضاکاروں سمیت معزز اراکین کی شرکت دیکھی گئی۔شرکاء نے ماحولیاتی تحفظ میں وانگنو کی نمایاں کاوشوں کی تعریف کی اور اس باوقار اعتراف کے لیے CRRID کا شکریہ ادا کیا۔ تقریب کے دوران ہونے والی گفتگو میں ماحولیاتی تحفظ کی اہمیت پر روشنی ڈالی گئی اور قدرتی وسائل کے تحفظ میں اجتماعی ذمہ داری پر زور دیا۔ انتظامیہ خصوصاً ایل سی اینڈ ایم اے کو ماحولیات کو بہتر بنانے، خاص طور پر دال اور نگین جھیلوں کو صاف ستھرا رکھنے کے لیے ان کے فعال اقدامات کے لیے خصوصی اعتراف کیا گیا۔میڈیا کے نمائندوں سے بات کرتے ہوئے، وانگنو نے اس اعزاز کے لیے CRRID کا شکریہ ادا کیا۔
