ہند و پاک سفارتی تناؤ

نئی دہلی //ہندوستان نے منگل کو پاکستان مشن انچارج سید حیدر شاہ کو طلب کیا اور پاکستان ہائی کمیشن کے ملازمین عملے کو پچاس فیصد تک کم کرنے کے حکومت کے فیصلے سے آگاہ کیا۔وزارت خارجہ نے کہا کہ ہندوستان بھی اسی تناسب سے پاکستان میں اپنے مشن کے عملے کو کم کرے گا۔ عملے کو کم کرنے کے فیصلے پر سات دن کے اندر عمل درآمد کرنا پڑے گا۔پاکستان ہائی کمیشن کے انچارج کو حکومت ہند کے اس فیصلے سے آگاہ کرنے کے لئے وزارت خارجہ کو طلب کیا گیا تھا۔ انہیں بتایا گیا کہ ہندوستان نے پاکستانی ہائی کمیشن کے عملے کی سرگرمیوں پر مستقل طور پر تشویش کا اظہار کیا ہے۔اہم بات یہ ہے کہ 31 مئی کو پاکستان ہائی کمیشن کے دو عہدیداروں کو جاسوسی کے دوران رنگے ہاتھوں پکڑا گیا تھا اور انہیں اس معاملے میں ہٹا دیا گیا تھا۔ریلیز میں کہا گیا ہے کہ ، ’’جہاں پاکستان ہائی کمیشن کے عہدیدار اپنی مراعات کی حیثیت کے برخلاف سرگرمیوں میں ملوث ہیں ، وہیں  پڑوسی ملک اسلام آباد میں ہندوستانی ہائی کمیشن کے عہدیداروں کو ان کے قانونی سفارتی کام سے روکنے کے مقصد کے لئے مسلسل ڈرانے دھمکانے کی مہم چلا رہا ہے۔‘‘وزارت نے یہ بھی کہا ہے کہ پاکستان میں گن پوائنٹ پر دو ہندوستانی افسران کا اغوا اور ان کے ساتھ کیا گیا برا سلوک یہ ظاہر کرتا ہے کہ پاکستان کس حد تک جا چکا ہے۔ گزشتہ 22 جون کو وطن واپس کوٹ کر ، ان افسران نے پاکستان کی ایجنسیوں کے ذریعہ کئے گئے  وحشیانہ سلوک کی مکمل تفصیلات بتائیں۔