عظمیٰ نیوز سروس
سرینگر// وزیر اعلیٰ عمر عبداللہ نے پیر کو کہا کہ ان کی حکومت مرکز کے زیر انتظام علاقے کے تمام گھرانوں کو قابل اعتماد، سستی اور معیاری بجلی یقینی بنانے کے لیے پرعزم ہے۔ وزیراعلیٰ نے بنیادی ڈھانچے کے اہم منصوبوں کی بروقت تکمیل، ہر سطح پر زیادہ احتساب اور جدید، لچکدار اور مالی طور پر پائیدار پاور سیکٹر کی تعمیر کے لیے مستقل اصلاحات کی بھی ہدایت کی۔وزیر اعلی کے دفتر نے اپنے ایکس ہینڈل پر پوسٹ کیا، “وزیر اعلیٰ نے پیر کو پاور ڈیولپمنٹ ڈیپارٹمنٹ کے ایک جامع جائزہ میٹنگ کی صدارت کی۔ انہوں نے جموں و کشمیر کے ہر گھر کے لیے قابل اعتماد، سستی اور معیاری بجلی کو یقینی بنانے کے لیے حکومت کے عزم کا اعادہ کیا۔”
