ڈی سی کشتواڑ نے جل شکتی سیکٹر کے کام کا جائزہ لیا

کشتواڑ ،// ڈپٹی کمشنر کشتواڑ اشوک شرما نے کانفرنس ہال ڈی سی آفس کمپلیکس میں منعقدہ جل شکتی سیکٹر کے تحت کاموں کی پیشرفت کا جائزہ لینے کے لئے ایک اجلاس کی صدارت کی۔میٹنگ کے دوران ، ڈی سی کشتواڑ نے بی 2 وی ، جل جیون ، سست سکیم اور ضلعی کیپیکس کے تحت اٹھائے گئے کاموں کی پیشرفت کا جائزہ لیا۔بتایا گیا کہ B2V کے تحت 15 کاموں کا ٹینڈر ہوا ہے جبکہ ابھی تک 16 کاموں کو انتظامی منظوری کے لئے بھیجا گیا ہے۔ایگزیکٹیو انجینئرپی ایچ ای نے بتایا کہ جل جیون مشن کے تحت ایک کروڑ روپے سے کم کے 17 منصوبوں کو منظوری دی گئی ہے اور ٹینڈرنگ کا عمل جاری ہے۔ڈی سی نے XEn کو ہدایت کی کہ مناسب کام کی فراہمی کے لئے مقررہ وقت میں تمام کام مکمل کرنے کے لئے رفتار کو تیز کیا جائے تاکہ ٹارگٹڈ علاقوں کو سپلائی فراہم کیاجاسکے۔دریں اثنا ڈی سی نے ایگزیکٹیوانجینئر پی ایچ ای کو بھی ہدایت کی کہ وہ پانی کی ضیاع کی جانچ پڑتال کریں اور غیر قانونی کنیکشن رکھنے والوں کے خلاف سخت کارروائی کی جائے۔انہوں نے مزید کہا کہ خلاف ورزی کرنے والوں اور فیلڈعملہ کے خلاف سخت کارروائی کرنے کا مطالبہ کیا جو خدمات کی فراہمی میں سستی کا مظاہرہ کررہے ہیں۔