پاکستان مذاکرات کیلئے مناسب ماحول تیار کرے:ترومورتی

اقوام متحدہ+نئی دہلی// اقوام متحدہ میں ہندوستانی کے مستقل نمائندے ٹی ایس تِرومورتی نے کہا ہے کہ پاکستان کو مذاکرت کیلئے مناسب ماحول سازی کے لیے اپنے ملک میں سرگرم دہشت گردوں کے خلاف ٹھوس اور قابل توثیق کاروائی کرنی چاہیے ۔ ہندوستان کے اقوام متحدہ سلامتی کونسل (یو این ایس سی) کی صدارت سنبھالنے کے بعد  تِرومورتی نے پریس کانفرنس میں کہا کہ مسئلہ یہ ہے کہ اگر ہندوستان اور پاکستان کے درمیان کوئی مسئلہ ہے تو اسے دوطرفہ اور پر امن ڈھنگ سے سلجھایا جانا چاہیے ۔ انہوں نے کہا،’’ہمارے پاس شملہ معاہدہ ہے جس میں دو طرفہ مذاکرت اور مسائل کے حل کا التزام ہے اور اس کا حل دہشت گردی، دشمنی اور تشدد سے آزاد ماحول میں ہونا چاہیے ‘‘۔ انہوں نے کہا کہ اس طرح کے مناسب ماحول سازی کی ذمہ داری پاکستان کی ہے جس میں ہندوستان کے خلاف سرحد پار دہشت گردی کے لیے اپنے کنٹرول والے کسی بھی علاقے کا استعمال کرنے کی اجازت نہ دینے کے یقینی اور قابل توثیق کاروائی کرنا شامل ہے ۔ اسی کے ساتھ پاکستان کو اپنے قول اور اس پر عمل کو مسلسل ثابت کرنا چاہیے ۔ جموں و کشمیرکا خصوصی ریاست کا درجہ چھیننے کے سلسلے میں پاکستانی صحافی کے آن لائن سوال کے جواب میں  تِرومورتی نے کہاکہ یہ آئینی تبدیلی تھی اور یہ ہندوستان کی پارٹی کا خصوص حق ہے ۔ انہوں نے کہا،’’یہ آئینی تبدیلی ہے اور پوری طرح سے یہ ملک کی پارلیمنٹ کا خصوصی حق ہے ۔ مجھے لگتا ہے کہ ہماری پارلیمنٹ کے لیے جموں و کشمیر سے متعلق قانون، ضابطے اور قانون پاس کرنا بالکل قانونی ہے ۔‘‘پاکستانی صحافی کے اپنے سوال پر قائم رہنے کے بعد انہوں نے زور دیتے ہوئے کہا،’’اگر کچھ بدلنے کی بھی ضرورت ہے تو وہ پاک مقبوضہ کشمیر کی آزادی ہے‘‘۔ 

 

بھارت تعمیری مذاکرات میں روڑے اٹکارہا ہیں؛پاکستان