ٹیم نے ہمت اورعزم کا مظاہرہ کیا:کین ولیمسن

ساوتھمپٹن/نیوزی لینڈ کے کپتان کین ولیمسن نے یہاں ہندوستان کے خلاف آئی سی سی ورلڈ ٹیسٹ چیمپئن شپ (ڈبلیوٹی سی) کا فائنل اوراپنا پہلا آئی سی سی ٹائٹل جیتنے پر خوشی کا اظہارکیا۔ انہوں نے کہا کہ ان کی ٹیم نے اس حصولیابی کے لئے بہادری اور عزم کا مظاہرہ کیا ہے ۔ یہ ایک خاص احساس ہے ۔ ٹیم کے لئے ایک آئی سی سی ٹائٹل حاصل کرنا بہت اچھا ہے ۔انہوں نے بدھ کو کہا، ‘‘یہ پہلی بار ہے ، جب ہم ایک عالمی خطاب لے کر آئے ہیں۔ جن 22 کھلاڑیوں نے یہ حاصل کرنے میں بڑاکرداراداکیا ہے ، وہ تمام تعریف کے قابل ہیں۔ یہ لمبے وقت تک یاد رکھاجائے گا۔ ہمارے پاس ہمیشہ تمام اسٹارکھلاڑی نہیں تھے ، لیکن پھربھی ہم نے اتنی ہمت اورعزم کا مظاہرہ کیا۔ ہم جانتے ہیں کہ ہندوستانی ٹیم ہرحالت میں کتنی مضبوط ہے ۔ یہ ایک بارکا فائنل غیرمستحکم کھیل ہے ۔ اس میں اتارچڑھاو آئے ۔ سچ میں چھ دنوں تک کوئی بھی کسی سے آگے نہیں تھا اورمجھے خوشی ہے کہ ہم آگے بڑھے اورجیتے ۔’’ ولیمسن نے کہا، ‘‘پہلی اننگ میں کھیلنا یقنی طورسے مشکل تھا۔ نچلے آرڈرکے بلے باز ہاتھ کھول کر کھیلے اورہمیں برتری دلائی۔ راس واضح طورسے ان حالات میں بہت تجربہ کار اور پرسکون ہیں اور آخر میں ان کے ساتھ کریز پر رہنا بہت اچھا تھا۔