مزید خبرں

رام بن// ضلع رام بن میں کووڈ پروٹوکول کے نفاذ کے لئے مہم کو جاری رکھتے ہوئے انفورسمنٹ ٹیموں نے چہرے کے ماسک پہنے بغیر گھومنے اور جسمانی فاصلہ برقرار نہ رکھنے پر متعدد خلاف ورزی کرنے والوں کو جرمانہ عائد کیا۔انفورسمنٹ ٹیموں نے اپنے اپنے دائرہ اختیار میں معائنہ کے دوران 42ہزار700 روپے جرمانہ وصول کیا ۔انفورسمنٹ افسران نے لوگوں سے اپیل کی کہ وہ چہرے کے ماسک پہنیں اور جسمانی فاصلہ برقرار رکھیں اس کے علاوہ وہ اپنے قریبی سی وی سی میں کوویڈ ویکسی نیشن ڈوز لیں۔ڈسٹرکٹ امیونائزیشن آفیسر رام بن ڈاکٹر سریش نے بتایا کہ رام بن میں 2295 افراد کو پہلی اور دوسری کوویڈ ویکسین کی خوراکیں فراہم کی گئیں۔چیف میڈیکل آفیسر ڈاکٹر محمد فرید بھٹ کی طرف سے جاری کردہ روزانہ بلیٹن کے مطابق محکمہ صحت نے 1227 نمونے جمع کیے ہیں جن میں 373 RT-PCR اور 854 RAT نمونے شامل ہیں ، اس کے علاوہ ضلع میں ویکسی نیشن مراکز کے 2295 افراد کو کوڈ ویکسین پلائے گئے ہیں۔

 

 

 ریاسی// غیر قانونی کان کنی کرنے والوں کے خلاف مہم کے تحت ریاسی پولیس نے عوامی وسائل سے غیر قانونی کان کنی اور پیسہ کمانے میں ملوث مجرموں کے خلاف سخت کارروائی شروع کردی ہے۔ریاسی پولیس کی پولیس ٹیموں نے 30 جون اور یکم جولائی کی درمیانی شب مختلف مقامات پر معائنہ کیا اور رات کے اوقات میں غیر قانونی کان کنی میں مصروف 10 گاڑیاں ضبط کیں۔ اسی کے ساتھ تھانہ ریاسی کی ٹیم نے ریاسی کے ایک اور نالہ ‘انجی’ میں غیر قانونی کان کنی میں ملوث 2 ٹریکٹروں ٹرالیوں کو ضبط کیا۔یہ تمام گاڑیاں غیر قانونی طور حاصل کی گئی معدنیات کی غیر قانونی کان کنی اور نقل و حمل میں مصروف پائی گئیں۔ریاسی پولیس نے اپریل 2021 سے غیر قانونی کان کنی کے کاروبار میں ملوث 57 گاڑیاں ضبط کرلی ہیں اور متعلقہ حکام کی جانب سے مائننگ ایکٹ کے تحت مقدمہ درج کیا گیا ہے۔ خلاف ورزی کرنے والوں پر 8لاکھ52ہزار800 روپے کا جرمانہ وصول کیاگیا۔

 

  

اشتیاق ملک

ڈوڈہ// محکمہ جنگلات نے گندوہ پولیس کے ساتھ مشترکہ کاروائی میں بھلیسہ رینج کے کمپارٹمنٹ14جطوطہ میں غیر قانونی طور پر پائے گئے ایک مکینیکل کٹر کو ضبط کرکے جنگلات ایکٹ کے تحت معاملہ درج کیا ہے۔ڈی ایف او بھدرواہ چندر شیکھر کی زیر نگرانی یہ کاروائی بلاک فارسٹ آفیسر بلال احمد کی قیادت میں ٹیم نے انجام دی۔کشمیر عظمی سے بات کرتے ہوئے انہوں نے کہا کہ محکمہ نے جنگل مافیا کے خلاف بڑے پیمانہ پر مہم شروع کی ہے جس کے لئے عوامی تعاون لازمی ہے۔مکنینکل کٹر کے حوالے سے انہوں نے کہا کہ گذشتہ دنوں اعلی آفیسران کی سفارش پر ڈپٹی کمشنر ڈوڈہ نے ضلع میں اس کے استعمال پر مکمل پابندی عائد کی ہے اور کٹر مالکان کو نزدیکی پولیس تھانوں میں جمع کرنے کی ہدائت دی ہے۔

 

 

زاہد بشیر

گول// گول رینج میں آرمی کیمپ کے نزدیک محکمہ جنگلات نے ایک گاڑی زیر نمبرJK02AR–9069سے غیر قانونی طورپر سمگل کی جا رہی لکڑی ضبط کر کے کیس درج کر لی ۔ ملی جانکاری کے مطابق رینج آفیسر گول راجندر سنگھ کو اس سلسلے میں خفیہ اطلاع ملی جس بناءپر انہوں نے آرمی کیمپ کے نزدیک ناکا لگایا گاڑی میں تلاشی کے دوران پتہ چلا کہ غیرقانونی لکڑی جس کی پیمائش 33.28 cft ہے (08 ایف. فوری طور پر سیکنڈ 52 کے تحت قبضہ کر لیا اور رینج آفس گول میں انڈین فارسٹ ایکٹ 1927 کے تحت مقدمہ درج کیا گیا یہ کاروائی محکمہ جنگلات اور پولیس حکام نے مشترکہ طور پر کی ۔

 

 

کٹھوعہ //کٹھوعہ میں سڑک کے ایک بھیانک حادثہ میں اترپردیش کے2شہری ہلاک ہوگئے جبکہ 7مسافر زخمی ہوئے۔تفصیلات کے مطابق لوگاٹ موڑ کٹھوعہ میں جمعرات کی دوپہر شاہراہ پرڈیوائیڈر سے ایک گاڑی ٹکرائی جس کے نتیجہ میں 9مسافر زخمی ہوگئے۔ زخمیوںکو فوری طور پر ہسپتال لے جایاگیا جہاںڈاکٹروںنے 61سالہ ادریس ولد محمد شریف کو مردہ قرار دیا جبکہ ایک اور زخمی شاد ولد محمد سرفراز ساکنان اترپردیش زخموںکی تاب نہ لاتے ہوئے دم توڑ بیٹھا۔ 7زخمیوں کو کٹھوعہ ہسپتال میں علاج و معالجہ کیاگیا تاہم بعد میں4مسافروں کو جی ایم سی جموں منتقل کیاگیا۔ اس دوران پولیس نے کیس درج کرکے معاملہ کی تحقیقات شروع کی ہے۔ 

 

 

جموں//جموں وکشمےر مےں دو سکرےٹریٹ بنائے جانے کے بعد جموں مےں پہلی پرےس کانفرنس سے خطاب کرتے ہوئے جموں وکشمےر نےشنل پنتھرس پارٹی کے صدر پروفےسر بھےم سنگھ نے کہاکہ جموں وکشمےر مےں دو سکرےٹرٹ کا قےام پارٹی کا اےک ہنگامی مطالبہ تھا جو آج پورا ہوگےا اور اس کےلئے انہوں نے پنتھرس پارٹی کے تمام کارکنوں اوران لوگوں کو مبارکباد دی جو 1982مےں پارٹی کے قےام سے اس کی تحرےک سے منسلک رہے ۔انہوں نے کہا کہ پنتھرس پارٹی جموں وکشمےر مےں دو سکرےٹرےٹ اور دو اسمبلےوںکے لئے جدوجہد کررہی تھی تاکہ کشمےر اور جموں صوبہ کے لوگوں کو ہندستان کے باقی شہرےوں کی طرح کام اور ترقی کے مساوی مواقع مل سکےں۔ےہاں جموں مےں مےڈےا سے خطاب کرتے ہوئے پروفےسر بھےم سنگھ نے جموں وکشمےر کے لوگوں کو مبارکباد دی اور لداخ کے باشندوں کو ےقےن دلاےا کہ پنتھرس پارٹی جموں وکشمےر اور لدخ کے رےاست کے درجہ کی بحالی کے لے لےہ سے نئی دہلی تک اپنی جدوجہد جاری رکھے گی۔ انہوں نے ےہ بھی ےقےن دلاےا کہ پنتھرس پارٹی لداخ کے لوگوں کے لئے مساوات اور خودمختاری کے لئے لڑے گی۔انہوں نے پرےس کانفرنس مےں مےڈےا سے کہا کہ پنتھرس پارٹی تمام بنےادی حقوق کے فوائد اور جموں وکشمےر پبلک سےفٹی اےکٹ کو ، جو ہندستانی آئےن کی روح اور جذبہ کے منافی ہے، ہٹانے کے لئے اپنی سےاسی جدوجہد جاری رکھے گی ۔انہوں نے اعلان کےا کہ پنتھرس پارٹی جموں وکشمےر کے رےاست کے درجہ کی بحالی اور جلد اسمبلی انتخابات کے لئے اپنی جدوجہد جاری رکھے گی ۔ انہوں نے ےہ بھی اعلان کےا کہ مکمل حد بندی 2021کی مردم شماری کے بعد کی جائے گی۔ 

 

 

ڈوڈہ//ڈسٹرکٹ ڈیولپمنٹ کمشنر (ڈی ڈی سی) ڈوڈہ وکاس شرما نے ایک اجلاس میں زیر تعمیر گورنمنٹ میڈیکل کالج کیمپس کی جسمانی پیشرفت کا جائزہ لیا۔جی ڈی سی اور جی ایم سی کیمپس کے دیگر اہم اجزاءکیلئے علیحدہ واٹر سپلائی اسکیم کے ٹینڈرنگ اور جی ایم سی کیمپس کے دیگر اہم حصوں کے لئے علیحدہ وصول کنندہ اسٹیشن بنانے کے سلسلے میں ڈی ڈی سی نے تازہ ترین پوزیشن پرمفصل گفتگو کی۔ڈی ڈی سی نے ایگزیکٹیو انجینئر پی ایچ ای کو ہدایت کی کہ وہ پانی کی علیحدہ علیحدہ سکیم بنانے کے لئے تازہ ٹینڈر لگائیں۔ انہوں نے معقول امداد کی پیش کش کی تاکہ منصوبے کو کسی بھی مزید تاخیر کے بغیر اس بار مختص کیا جائے اور کامیابی سے چلایا جاسکے۔علیحدہ رسیونگ اسٹیشن کی تشکیل کے سلسلے میں ایگزیکٹیو انجینئر محکمہ بجللی نے ڈی ڈی سی کو آگاہ کیا کہ زمین کی سطح لگانے اور اس سے منسلک دیگر کاموں کے لئے ٹینڈر پہلے ہی جاری کردیئے گئے ہیں اور فنڈز دستیاب ہونے کے ساتھ ہی اسے الاٹ کردیئے جائیں گے۔ اس کے علاوہ ایگزیکٹیو انجینئر ایس ٹی ڈی نے آگاہ کیا کہ جب تک زمین تیار نہیں کی جاتی ہے اس وقت تک کام نہیں کیا جاسکتا۔ڈی ڈی سی نے متعلقہ حکام کو ہدایت کی کہ وہ ایک مقررہ ٹائم لائن کے تحت منصوبے کی تکمیل کے لئے متحد ہو کر کام کریں ، علاوہ ازیں پرنسپل جی ایم سی سے جلد سے جلد فنڈز کی الاٹمنٹ کے لئے متعلقہ حکام سے ہم آہنگی کرنے کا مطالبہ کریں۔

 

رام بن//راجندر شرما نے ایڈیشنل ڈسٹرکٹ ڈیولپمنٹ کمشنر (اے ڈی ڈی سی) رام بن کا عہدہ سنبھال لیا۔ضلعی انتظامیہ کے تمام اعلی افسران نے ضلعی انتظامیہ کمپلیکس میں موجودہ اے ڈی ڈی سی کو خوش آمدید کہا۔چارج سنبھالنے کے فورا ًبعد اے ڈی ڈی سی نے اے ڈی سی ہربنس لال سے بات چیت کی۔ سی پی او ڈاکٹر کستوری لال، اے سی آر دھونیدر شرما اور دیگر اعلی افسران نے ضلع میں جاری ترقیاتی سرگرمیوں پر انہیں بریف کیا۔

 

جموں//ایس ڈی آر ایف کی ایک ٹیم نے ایک نوجوان کو بچایا جب وہ دریائے چناب میں پھسل گیا اور ڈوبنے ہی والا تھا۔ایس ڈی آر ایف کی ٹیم ایک اور شخص کی تلاش اور بازیابی کے مشن پر تھی جو کل دریائے چناب کے قریب لاپتہ ہوگیا تھا۔ 30 جون کو پی سی آر جموں سے اطلاع ملی کہ ایک شخص دریائے چناب میں جیو پوٹا گھاٹ اکھنورکے قریب ڈوب گیا ہے۔اطلاع ملنے کے بعد اکھنور میں تعینات ایس ڈی آر ایف کی ٹیم کو موقع پر روانہ کردیا گیا لیکن اندھیرے کی وجہ سے ریسکیو آپریشن مکمل نہیں ہوسکا۔آج ایس ڈی آر ایف کی دس رکنی ٹیم کو اے ایس آئی محمد صادق نمبر 742 کی نگرانی میں بی این سے اسی جگہ پر تعینات کیا گیا۔ دریائے چناب میں سرچ اور ریسکیو آپریشن کے دوران ایس ڈی آر ایف کی ٹیم نے ایک شخص کو جیو پوٹا گھاٹ اکھنورکے علاقے نیو مندر کے قریب ڈوبنے اور مدد کے لئے روتے ہوئے دیکھا۔ایس ڈی آر ایف اہلکار فوری طور پر ندی میں کود پڑے اور ڈوبنے والے شخص انکو، عمر 26 سال ولدجتیندر کمارساکن ریشم گھر کالونی جموں کو بچایا۔مزید یہ کہ 30 جون کو ڈوبنے والے شخص کی تلاش اور بچاو¿ آپریشن آج تک جاری ہے۔

 

ڈوڈہ //محکمہ پشوپالن کی ریپڈ رسپانس ٹیم (آر آر ٹی) نے بھدرواہ کے علاقے پدری گھاس سے ایک زخمی آوارہ گائے کو بچایا۔گائے 20 فٹ اونچائی کی گھاٹی میں گر گئی تھی اور شدید زخمی ہوگئی تھی۔ ابتدائی علاج موقع پر ہی فراہم کیا گیا تھا اور گائے فی الحال بھدرواہ میں زیر علاج ہے۔چیئر مین ڈسٹرکٹ ڈیولپمنٹ کونسل ، داونتار سنگھ امدادی ٹیم کے ساتھ مستقل رابطے میں تھے اور انہوں نے ریسکیو آپریشن کی ذاتی طور پر نگرانی کی۔ اطلاع ملنے پر ریپڈ رسپانس ٹیم ، جس میں ڈاکٹر عمران شوکت وی اے ایس ، ڈاکٹر صہیم گونی وی اے ایس اور بابا عادل ویٹرنری فارماسسٹ شامل ہیں ، بھدروہ سے شام سات بجے شروع ہوئے اور رات گئے تقریبا 1 ایک بجے تک ریسکیو آپریشن کیا۔

 

ریاسی// محکمہ سیاحت کے ذریعہ مستقبل قریب میں فراہم کی جانے والی امکانی سہولیات کا جائزہ لینے کے لئے ڈائریکٹر سیاحت جموں ویویکانند رائے نے کٹرہ اور شیو کھوری مندروں کا دورہ کیا۔اس ٹور کو ہندوستان کے سیاحوں کے نقشے پر شیو کھیوری لانے کے امکانات تلاش کرنے کا منصوبہ بنایا گیا تھا۔ اس وسیع دورے کے دوران ، ڈائریکٹر سیاحت ، جموں نے متعلقہ افراد سے کہا کہ وہ کٹرہ کے اسٹریٹجک مقامات پر ہورڈنگ لگانے کے امکانات کو ڈھونڈیں تاکہ ماویشنو دیوی جی کے مزار پر آنے والے سیاح بھی بابا شیو کھیوری کے مزار پر سجدہ ریز ہوں۔ڈائریکٹر سیاحت سیاحت جموں نے تکنیکی ونگ سے درخواست کی کہ مستقبل قریب میں پینے کے پانی کی فراہمی ، زمین کی تزئین ، بیٹھنے والے بنچوں سمیت کاموں کے سلسلے میں ڈی پی آر تیار کریں جن کاموں کو اس سال کے منصوبے میں شامل کیا گیا ہے اس میں بجلی کی روشنی ،ٹی ایس ، بنچ وغیرہ شامل ہیں۔ علاوہ ازیں ، ڈائریکٹر سیاحت ، جموں نے عہدیداروں کو ہدایت کی کہ وہ مقامی اسٹیک ہولڈرز کی مدد سے خطے میں صفائی مہم چلائیں۔

 

رام بن// ہفتہ بھر کی ون مہواتسو کی تقریبات کے سلسلے میںڈپٹی کمشنر رام بن مسرت الاسلام نے ضلعی انتظامیہ کمپلیکس کے احاطے میں پھلوں کے درختوں کے پودے لگاکر شجرکاری مہم کا آغاز کیا۔وان مہواتسو 1 جولائی سے 7 جولائی 2021 تک جاری رہے گا جس میں ٹیم ہمدرد ، رامبن نامی ایک مقامی این جی او کے ذریعہ سرگرمیوں کا ایک سلسلہ شروع کیا جائے گا۔اس موقع پر ڈی سی نے خطاب کرتے ہوئے کہا کہ ایک ہفتہ تک جاری رہنے والی سرگرمیوںکامقصد خطے کی حیاتیاتی تنوع کو بہتر بنانے اور ماحولیاتی لحاظ سے نازک خطے کی پائیدار ترقی کو یقینی بنانے پر توجہ دیناہے۔ انہوں نے مزید کہا کہ اس سے مٹی اور پانی کے تحفظ میں بھی مدد ملے گی ، اس طرح تودے گرنے اور ماحولیاتی دیگر متعلقہ مسائل کے واقعات کو کم سے کم کیا جاسکے گا۔

 

 کشتواڑ//علاقہ ناگسنی کے ڈی ڈی سی ممبر فیصل احمد نے گوجر بستی کو فراہم کرنے والی پایپ لاین کا دورہ کیا۔ جس دوران علاقے کی عوام نے انھیں درپیش مسائل سے آگاہ کیا۔ انھوں نے بتایا کہ علاقہ کو گریوٹی لاین سے پانی کی سپلائی فراہم کی جاتی ہے جو متعدد مقامات پر ٹوٹ پھوٹ کا شکارہے جسے پانی ہروقت رستارہتا ہے اور علاقہ میں مہلک بیماریوں کے پھیلنے کا خدشہ ہے۔ انھوں نے انتظامیہ سے مطالبہ کیا کہ متعلقہ محکمہ کو ہدایت جاری کی جانی چاہئے اور انکی جلداز جلدمرمت عمل میں لائی جانی چاہئے تاکہ عوام کو پینے کا صاف پانی فراہم ہوسکے۔