طالبہ کے ساتھ چھیڑ چھاڑ | ملزم گرفتار، عوام کی سراہنا

ارشاد احمد
سرینگر// کالج طالبہ سے مبینہ چھیڑ چھاڑ کرنے کے الزام میں پولیس نے ایک شخص کی گرفتاری عمل میں لائی۔ہفتے کے روز شام دیر گئے متاثرہ لڑکی کا ویڈیو سوشل میڈیا پر وائرل ہونے کے بعد پولیس نے ایک نوجوان کی گرفتاری عمل میں لائی۔معاملے کے بارے میں پولیس نے ٹویٹ کے ذریعے جانکاری دیتے ہوئے بتایا کہ چھیڑ چھاڑ میں ملوث ملزم عادل عزیز ساکن سعیدہ کدل رعنا واری سرینگر کو حراست میں لیا گیا۔پولیس کے مطابق اسلامیہ کالج سرینگر میں زیر تعلیم طالبہ کے ساتھ زبردستی چھیڑ چھاڑ کی کوشش کی گئی تھی ۔عوامی حلقوں نے پولیس کی اس کارروائی کو سراہتے ہوئے کہاکہ مذکورہ نوجوان کے خلاف سخت سے سخت قانونی کارروائی عمل میں لائی جائے تاکہ دوسرے اس سے سبق حاصل کر سکے۔