یواین آئی
ٹورنٹو/پرتگال کے عظیم فٹبالر کرسٹیانو رونالڈو اور ان کی ٹیم نے فیفا ورلڈ کپ میں کروشیا کو 2-1 سے شکست دینے کے بعد اپنے سابق ساتھی ڈیوگو جوٹا کو جذباتی انداز میں خراجِ عقیدت پیش کیا۔راؤنڈ آف 32 کے اس مقابلے میں پنالٹی کے ذریعے پرتگال کا پہلا گول کرنے والے رونالڈو نے میچ کے اختتام پر جوٹا کی نمبر 21 جرسی پہن کر ساتھی کھلاڑیوں کے ساتھ آسمان کی جانب اشارہ کیا اور انہیں یاد کیا۔ڈیوگو جوٹا اور ان کے بھائی آندرے سلوا کی مغربی اسپین میں ایک کار حادثے میں موت کی پہلی برسی جمعہ کو ہوگی۔ جوٹا نے پرتگال کے لیے 49 میچوں میں 14 گول کیے تھے ۔رونالڈو نے کہا، “ہمیں میچ سے پہلے ہی اس افسوسناک خبر کا علم تھا۔ یہ لمحہ ہمارے لیے بہت خاص تھا۔ آج کی جیت صرف کامیابی نہیں بلکہ اس انداز کی وجہ سے بھی ہمارے لیے بے حد معنی رکھتی ہے ۔”
