تعمیراتی ورکروں میں1.6کروڑ کی رقم تقسیم۔

سرینگر// لیبر کمشنر عبدالرشید وار نے جموں و کشمیر بلڈنگ اور دیگر تعمیراتی ورکرز ویلفیئر ایکٹ کے تحت ضلع سرینگر کے1514رجسٹرڈ تعمیراتی کارکنوں کے لئے فلاحی امداد کے طور پر ایک کروڑ61ہزار سے زائد  روپے کی رقم جاری کی۔اس موقع پر ، لیبر کمشنر نے کہا کہ اس فلاحی امداد کا واحد مقصد اپنے کارکنوں کو خاص طور پر کوویڈ وبائی بیماری کے مشکل وقت میں تعلیم فراہم کرنے میں ان کارکنوں کی مدد کرنا ہے۔ انہوں نے ان کارکنوں کو بروقت امداد جاری کرنے میں محکمہ کے کردار کی تعریف کی۔لیبر کمشنر نے افسران پر زور دیا کہ وہ جوش و جذبے کے ساتھ کام کریں تاکہ یہ یقینی بنایا جاسکے کہ فوائد نچلی سطح کے کارکنوں تک پہنچیں۔ انہوں نے ان سے کہا کہ وہ اس بات کو یقینی بنائے کہ اس کے فوائد حاصل کرنے کے لئے تمام اہل تعمیراتی کارکن بورڈ میں رجسٹرڈ ہوں۔ انہوں نے افسران سے بھی کہا کہ وہ باقاعدہ بنیادوں پر آگاہی کیمپوں کے ذریعے عام لوگوں کو اپنی اسکیموں کے بارے میں جانکاری دیا کریں۔