اسرائیل اب امن کے عمل میں فلسطین کا ساتھی نہیں رہا:عباس

اقوام متحدہ ://فلسطین کے صدر محمود عباس نے کہا ہے کہ اسرائیل نے فلسطین کے ساتھ امن کے عمل میں حصہ نہ لینے کا فیصلہ کیا ہے اور اس کے ساتھ ایسا ہی سلوک کیا جائے گا۔ عباس نے اقوام متحدہ کے سکریٹری جنرل سے اقوام متحدہ کی قراردادوں اور عرب امن اقدام کے مطابق خطے میں امن، سلامتی اور استحکام کے حصول کے لیے فلسطین کی سرزمین پر قبضے کے خاتمے کے لیے ایک بین الاقوامی منصوبے کے بارے میں تفصیل سے بتانے پر بھی زور دیا۔ عباس نے اقوام متحدہ کی جنرل اسمبلی کی جنرل ڈیبیٹ میں اپنی جمعہ کی تقریر میں کہا کہ یہ واضح ہے کہ اسرائیل نے بین الاقوامی قانونی جواز کی تجاویز کو نظر انداز کرتے ہوئے ، امن عمل میں ہمارا شراکت دار نہ بننے کا فیصلہ کیا ہے ۔ اسرائیل نے فلسطین لبریشن آرگنائزیشن (پی ایل او) کے ساتھ کیے گئے اوسلو معاہدے کو کمزور کر دیا ہے ۔ انہوں نے کہا کہ اسرائیل دانستہ طور پر اپنی پالیسیوں کے ذریعے دو ریاستی حل کو تباہ کر رہا ہے ۔ مسٹر عباس نے کہا، لہذا، ہمارے پاس اب بات کرنے کے لیے کوئی اسرائیلی ساتھی نہیں ہے ۔ اس طرح اسرائیل ہمارے ساتھ اپنا معاہدہ ختم کر رہا ہے ۔ انہوں نے کہا کہ فلسطین اسرائیل کے ساتھ 1993 میں کیے گئے معاہدوں کا احترام کرنے والا واحد فریق بنے رہنا قبول نہیں کرتا۔ انہوں نے کہا کہ اسرائیل کی طرف سے مسلسل خلاف ورزیوں کی وجہ اس معاہدے کی اہمیت نہیں رہی ۔ انہوں نے کہاکہ لہذا یہ ہمارا حق ہے ، بلکہ ہماری ذمہ داری ہے کہ ہم دوسرے ذرائع تلاش کریں، اپنے حقوق کا دوبارہ دعوی کریں اور انصاف پر قائم امن حاصل کریں۔