گورنمنٹ مڈل اسکول گھمبیر مغلاں کی حالت انتہائی خراب

منجاکوٹ// گورنمنٹ مڈل اسکول گھمبیر مغلاں کی حالت انتہائی خستہ ہوچکی ہے۔سکول میںواشنگ روم، کھیل کے میدان، سائنس لیبارٹری، کمپیوٹر لیبارٹری، لائبریری، وغیرہ کی مناسب سہولیات نہیںہیں۔چیئرمین جے اینڈ کے ہیومن ڈیولپمنٹ فاؤنڈیشن راجوری سعید مغل نے کہا کہ حکومت کے پاس پارک اور باغات بڑھانے، اور کمیونٹی ہالوں، سرکاری دفاتر، شاپنگ کمپلیکس اور مالز کی تعمیر کے لئے زمین اور فنڈز دستیاب رہتے ہیں لیکن جب بات اسکول کی عمارتوں کی تعمیر کی ہو تو اس کے پاس نہ زمین ہوتی ہے اور نہ ہی فنڈز ہوتے ہیں جس سے اسکولی بچوں کو تعلیم حاصل کرنے میں سخت دشواریوں کا سامنا کرنا پڑتا ہے۔ لوگوں اور سعید مغل نے گورنر انتظامیہ اور ڈپٹی کمشنر راجوری سے مطالبہ کیا کہ اسکول کی عمارت کے کام پر توجہ دی جائے تاکہ بچے اپنی تعلیم کو جاری رکھ سکیں۔